آسته ګعم وری تں تں چے تدارکات سته ملی کمتیټه تں کښعںکه ۴۸۰ملیون افغانی ټنګں چیره تی په ګتی نچاسته بیسته ای کی که پتیان پوعوانه کعا. ریاسته والوزراء سته اقتصادی معاونت سته مطبوعاتی دفتر باخترسته ښوپعله تں ګجیکو: آمنی پروژه افغانستان اسلامی امارت سته پروژه تعں ای چےدیوملیارد جه شتواصدجے شتواڅه ملیارد افغانی، کابل، هرات، فراه، ننګرهار، قندهارجےلغمان ولایت تں عملی که تطبیق کوسته بوله کی که پتیان پوانه کعا.
امکی پروژه تعں کابل ښآرسته پوت، تحویلخانه ایپاسته سوره چوعپنورں چا(دیوار) کتی اتوتیاسته آودیوکں اډمل(بندآب)ایپاسته سوره ایموسته ګول وعیں کں ورں دی اویج بوله لتری ایپاسته بوله. امکی پروژه عملی بوسته امکی بدنشیں سته منچی پوت جےسوره ورں دی اویج بوله لتری کی بوتت با امکیاں بتت بلیوک اسانی مښ بدویی اشیله چے ایموسته منچی پیسته تں آو وا بوله سوره پوت تں دی بلیوک لسته که امشیں سته اویج بوله لسته که پوړاله.
.
