بازین کارمرزکنگ شه برقا، بی برقیئ سکی و سوریانا گیشتر کرتگیت

   په باز زارگینی گشتگه کنن که اوگانستان شه آ وطنانانی ریسگا انت که آیی گیشترگین برق شه دگه همپلین وطنانی نیمگا داتگه بیت.

ایش روش و دراه انت که ډنئ وطنانی برغئ گپتن، گاهی وخت گون سکی و سوریان دیم په دیمه بیت که مردمانا جورینیت.

   رازیکه په مچان دراه انت اوگانستانئ برغ شه دگه ملکان چو: تاجیکستان، ترکمنستان، اوزبیکستان و ایران داتگه بیت و برغئ کلیت آوانی دستئ تها انت و هر درگتی که آ بلوټنت برغئ روشناییا امئ سرا تارینکه کننت. به ای زمستانئ موسما باید گیشتر وتی پکرا برغئ سرا گرن و کوشست بکنن که شه امئ دیما باز کارمرز مه بیت، چیا که بازین کارمرزکنگ شه برغا سببه بیت دگرانی برغ په آوان مه رسیت و آوانی حق پادموش بیت.