خالی اوندریون اتحادیه نینگ اعضالارینه گؤرأ: گونینگ اوتماگی بیلن بوتین اولکامیز بویونچه خالی اوندرمک رونق تاپیپ، گچن ییل اولکامیزینگ خالیچیلاری بیر میلیون متر مربع خالی و گلیم اوندریپ داشاری یورت اولکالره صادر ادندیرلر.
اولارینگ آیتماغینه گؤرأ، اونگمیزداکی ییلدا – دام اولکامیزبویونچه خالی اوندرمک ایشینی آرتدیریپ، داشاری یورتلاره یوللاماغینگ میچورینی گچن ییلداقیدان آرتیق بولماغینی گوز اونگینه توتیورلار.
اولکامیزده خالی صنعتی قدیم زمانلار دان باری رواج بولوپ اینگ اوسوب گلیون صنعتلرینگ بیری دیر. مونگلرچه مشغله شو اوربیلن دیریچیلیگنینگ برنجی ضرورتلارینی اوپجن اتماگینه غارمازدان،مونگلاچه آدم مه – دا ایش یاغدایلارینی دا دورتیون دیر.
خالی تاجرلرینینگ آیدشینه گؤرأ، سونگقی دورلرده خالی صنعت حکومت ینگ غولداوی سبابلی اوسیپ بارماقدا دیر. مونگا شاهد حکمینده گچن ییله غاراندا خالی نینگ داشاری یورتلاره صادر بولوشی ۱۵% آرتان دیغینی آیتیورلار.
اولارینگ آیتماغینه اولکامیزده اونیون خالی لار اوران چپرچیلیک بیلن دوقالیپ، بوتینلایین طبیعی رنگلر بیلن رنگلانیپ، انسان ساغلیغینه دام اوران فایده لی دیغی سبابلی دنیا بازالارینده اوران مشهور بولوپ آلی جیلارینگ اونسینی اوزینه چکن دیر.
صنعت و تجارت وزیرلیگینینگ سوزجی سی عبدالسلام جواد آخندزاده گؤرأ: حکومتینگ اولکامیزده خالی صنعتی نی اوسدریپ اونی دنیا بازارلارینده آلیجیلاره هودرلامک اوچین بیرقانچه برنامه لاری یوله غویماق اوچین بیرناچه ایشلری عملی ادندیگینی آیدیپ، ینه بو اورده برک غولدودا بولجادیغینی تأکید اتدی.
آخندزاده سوزنینگ دوامیندا بوتین اولکامیز بویونچه خالی اوندیریلیپ داشاری یورتلاره صادر بولوشیندان خوش حالیق بیلدریپ، ینه سونگقی آیلارده ترکیه، روسیه و برلاشن عرب امیرلیکلرینده بولجاق خالی نمایشلارده دام اولکامیزده اونیون خالیلارینگ اولی سهم آلجادیغینه غاراشیون دیغینی آیتدی.
اقتصادعالملارینگ آیدیشینه گؤرأ، حکومتینگ خالی اورلارینه مأیه غویماغی بیلن اولکامیزده خالی صنعتی نینگ اوسماگی بیلن مونگلرچه آدمه ایش یاغدایی دوراپ بیزینگ ملی سرمایه میزینگ – دا اوسماگینه اولی رولی بار دیغینی آیتدیلار.
