اندخوی ولسواللغینده بیر اولی چوک غورلمالی بولدی

 یرلی خبرچیلاره گؤرأ، فاریاب ولایتی نینگ اندخوی ولسواللیغیندا (۴۰) میلیون افغانی هزینه بیلن ایکی پروژه یعنی (بیر دارالعلوم و بیر چوک) غورلمالی بولدی.

بو ییغناغه اکن و مالدارچیلیق وزیرلیگی نینگ یولباشچی سی مولوی عطاءالله عمری، فاریاب ولایت نینگ اورونباساری مولوی حمیدالله ارشاد، و باشقا- دا اونلارچه دولت ایشکارلری، ایل یاش اولیلاری و ملی تاجر لرینگ غاتناشماغی بیلن بولوپ گچدی.

اندخوی ولسواللغینینگ شاروالی داملا عتیق الله کریمی نینگ آیدشینا گؤرأ: بول تورت یول آیریدی فاریاب، جورجان شاه یولی نینگ اوستیندا قرار تاپیپ (۲۰ میلیون افغانی) هزینه بیلن غورالمالی بولاندیغینی یادلاپ، و بول پولینگ – دا اندخوی شاروال لیغینینگ تلاش و تشویقی بیلن یماپترول شرکتی طرفیندان بریلیپ، بول چوک ینگ ایشی سونگقی اوچ آیدا غوتاریلیپ خلقه اولانماغا برلمگینی گوز اونگینه توت یوندیغینی آیتدی.

ینه بیر خبره گؤرأ، اندخوی ولسوال لیغیندا (۲۰ میلیون افغانی) هزینه بیلن (دارالعلوم عمری) آدیندا بیر دارالعلوم غورلمالی بولاندیغیندان خبر بردی. آیتماقلارینه گؤرأ، بو ییغناقدا اکن و مالدارچیلیق وزیرلیگی نینگ یولباشچی سی مولوی عطاءالله عمری اولکه میزینگ آباد بولماغی اوچین ملی تاجرلرینگ اولی رولی بار دیغی نی یادلاماق بیلن اندخوی شهریندا غورلمالی بولان چوک اوچین یما پطرولینگ باشلیغینه ده قدردان لیق بیلدردی.