افغانستان اسلامی امارت سته جیښټ امیرالمومنین شیخ الحدیث مولوی هبة الله آخوندزاده حفظه الله کندهار، کابل، کاپیسا، بغلان، فاریاب، خوست جےننګرهارولایت سته سکال بګعیں علماء مښ وعیک وعیک ګتی وری وله یا.
ایکی وعیک وعیک تں ملی دفاع ، اته پیوه وزارت، بره پیوه وزارت جے مخابرات جےمعلومات سته ښے دروزیرں کلی دی اتکی اسی. امیرالمومنین اینه وعیک وعیک تں دینی علماء امشیں سته بتات تں برں کارکریه ایکےمښ په تتی اینه نظام کں اچاک دی لسته که کودیوم کوسته، دینی علوم اچاک دی لسته که اوجوپچوعه کوسته سوره کتاب جے دینی بټه تں مقالات تں اسلامی شریعت اچاک دی لسته که عملی کوسته بګانه امکی پوت وعں یه.
چی تتی اچی ماس علماء تعں چے اتکی وعں ایسی امکیاں تعں اینه ګول تں حالات بګانه کی منه تعں کی که کودیه. امکیاں دی امشیں سته وری وله تں تں ګول تں اسلامی نظام اچاک دی لسته که چمتں بوسته سوره امشیں سته کی وری وااسیه باسته بګانه وری وله تی امیرالمومنین تں پمیوک تعه. دینی علماء دی اینه پتیان پوعوانه کعا کی ګول تں اسلامی امارت سته کی پوت وعاں بی با امکیاں علمی کوں بټه تں کی ابل جےوچپلیسک تعں پټیاره نه اوتیله کی که.
.
