نورستانی
امارتی بیم وعچ کوسته، بټه کوسته جے انیاراتکیارتسته نه بوله که امیرالمومنین سته شنګاں
نوتشروی ماده: امارتی(سلطانی) امیرالمومنین(حفظه الله) سته شنګاں مښ بیم بټه کوسته جے وعچ کوسته نه بوله. وزارت، شاروالی جےامارتی اداره دی اینه نه بتت کی! امکی بیم حقیقی کدی حکمی منچاں(اشخاص) تں وعچ کوسته تں جے بټه کوسته تں دویی ویله.
دویوبولی ماده: وزارت، امارتی اداره جےښاروالی تں امارتی بیم دی پلنګں تی اوسته بګانه امکی سلطانی (امارتی) بیم ګولسته جیښټ امیرالمومنین حفظه الله پارستع منع کوسته بیسه! آجیک اسه امکی بیم کی ولتں اویج بوله بیبا سته ولتں امیرالمومنین سته فرمان مښ ایار وعچ کوسته جے بټه کوسته تں دویی ویں بتت.
تره بولی ماده: ایکی فرمان دوشیال(توشیح) تاریخ تعں ګول تں نافذاسه سوره ایکی فرمان ګول سته رسمی جریده تں دی ګاش کوسته بولا کی که شنګاں سته بیسه.
