د روغتیا نړیوال سازمان د افغانستان څانګه وایي، ۲۰۴ روغتیایي مرکزونه او ۶۷ د وینې بانکونه يې په طبي وسایلو مجهز کړي دي. دغې ادارې ویلي، د دغو مرکزونو په تجهیز سره د عاجلو درملنو او د فزیکي پياوړتیا د هڅو ملاتړ کوي. د روغتیا نړیوال سازمان د افغانستان څانګې پر خپله ټویټرپاڼه لیکلي، د وینو په بانکونو کې يې لسګونه کسان د وینې اخیستو په برخه کې هم روزلي دي. د روغتیا نړیوال سازمان تر دې وړاندې افغانستان کې د ۱۵۵ نورو طبي کڅوړو د مرستو خبر ورکړی دی.
