روزګان ولایت کي په لومړي ځل د تجارت خونه پرانیستل سوه او د دغه ولایت یو تن تجار الحاج حبیب الله یې د رئیس په توګه معرفي سو.
روزګان ته د افغانستان د تجارت خوني سرپرست رئیس الحاج محمد یونس مهمند د سفر په ترڅ کي پرون د دغه ولایت د مرستیال والي ملا حکمت الله حاجي مزمل صاحب او ګڼ شمیر نورو تجارنو سره دغه ولایت لپاره د تجارت خونه پرانیستل او ورسره سم یي الحاج حبیب الله عمر د رئیس او د یادي خوني نور غړي معرفي کړه.
ښاغلي مهمند وویل د یادي خوني په پرانسته به د دغه ولایت د تجارانو او دولتي مسؤلینو تر منځ همږغي رامنځته سي او د دغه ولایت تجاران به د یادي خوني پر مټ د ملي او نړ يوالو تجارانو سره یو ځای او لوی پانګوني به کیږي.
د نوموړي په خبره چي هیواد مو د تجارت برخه کي زیات کار ته اړتیا لري او مهمه ده چي نړیوال تجاران را جلب او دلته پانګونه وکړي.
مهمند د یادي خوني د پرانیستي پر مهال د نوي رئیس څخه وغوښتل چي د دغه ولایت د اسلامي امارت، تجارانو او خلکو سره په همږغۍ د دغه ولایت ذراعتي او معدني تولیداتو ته پراختیا ورکړی او نړۍ ته صادر سي.
نوموړي یاد ولایت د زراعت د اړخه یو غني ولایت وبللی چي بادام، انځر، شکرپاره او ځیره یې د مهمو زراعتي تولیداتو د جملې یاد کړه چي دا مهال د سیا ډیرو هیوادونو ته صادریږي.
په ورته وخت کي د ولایت مرستیال والي ملا حکمت الله مزمل د نوموړي د راتګ او دغه ولایت ته د تجارانو د پاملرني مننه وکړه.
نوموړي وویل چي د یادي خوني په پرانیسته به ډیری ستونزی حل او د دغه ولایت تولیدات به په ښه کیفیت صادر سي.
نوموړي ډاډ څرګند کړی چي موږ به د تجارانو سره د خپله اړخه پوره همکار یو او دوی ستونزو ته به پر وخت رسېدنه کوو.
بل لور الحاج حبیب الله چي د یادي خوني د رئیس په توګه معرفي سوی وویل مننه چي پر موږ مو باور وکړی او زیاته یې کړه چي هڅه او کوښښ به یی دا وي چي د ټولو تجارانو ستونزي د اسلامي امارت د مسؤلینو سره شریکي کړی او د دغه ولایت د تجارت او تولیداتو په برخه کي چي اړتیا وي پر مختګ بع ورکړي.
نوموړي زیاته کړه چي روزګان ته به په ملي او نړیواله کچه د تجارانو توجو راوړه وی او دلته به پانګونه کوي چي په ضمن کي به ورسره خلکو ته د کار زمینه هم برابره سي.
په داسي حال کي چي دغه ولایت دریو لویو کارونو چي باید تر سره سي ترڅو یې تجارات او زراعت پر مختګ وکړي اړتیا لري د اوبو بندونو جوړیدنه، د بریښنا فعالیت او د ولسوالیو او همسایه ولایتونه سره د مواسیلاتي لارو جړېدنه چي پر ترڅ کي به یې تجاران هوسا او زراعت پر مختګ وکړي.
