دلوماس ستهښ وبولی واس تں اته پیوه وزارت سته ال رتبه وا هیئت اته پیوه وزارت سته نشتروی کودیوم ساټ محمدنبی عمری سته جیښټوارمښ چے ایکےمښ په تتی ایکی وزارت سته اداری کودیوم دی ساټ مولوی نورجلال جلالی مښ په تتی آړه سوره ملکی ښے واستوک دی پوت وه ی اسی نورستان ولایت تں پارپواوچوګوا باخترسته ښوپعله تں ګجیکو: باخترسته ښوپعله تں ګجیکو: ایکی ولایت تں ایکی ال رتبه وا هیئت سته اوچوسته هدف اینه اسه کی تورں ستعں نورستان ولایت سته منچاں مښ تورں ستعں وعیک وعیک ګتی امکیاں سته نه اترں سوره امکیاں سته اویج بوله ای با امکیاں لسته که کارته تتی امکیاں سته نه اترں په روک کوسته سوره امکیاں مښ کی کوسته بولا کی که آجیست کتی اتکیار نورستان سته منچی امکی ایسته ال رتبه وا هیئت اتکی آیستاں تں تتی اوکام وارپوعوانه کعا ایکی مښ په تتی امشیں سته نه اترں چے ایکی ولایت سته منچی وا ای امکیاں پمیوک ته تتی امکیاں په روک کوسته بګانه پمم ستعں کودیوم کوسته کں شتان کوتت.
