ایران اسلامی انقلابی کامیاب بولگن لیگی اسلامی جنبش لرنی اویغاتیش ده مهم رول اوینه گن دیر
ایران اسلامی انقلابی کامیاب بولگنی نینگ اوتیزالتی لمچی سالگردی دلوآینینگ 22لمچی تاریخی اواولکه نینگ کابل ده کی ایلچی لیگی ده تجلیل ایتیلدی.
باخترآژانس ژورنالستی بیرگن خبرنی یوزیدن افغانستان اسلامی جمهوریت اجرائیه رئیسی داکترعبدالله عبدالله ، اصلاحات ویخشی حکومت قیلیش لیگ ایشلرده جمهور رئیس نینگ فوق العاده نماینده سی احمدضیامسعود، اجرائیه ریاست ایککینچی اورین باسری حاجی محمدمحقق ، سنامجلس بیرینچی نایبی محمدعلم ایزدیار، تشقی ایشلروزیرصلاح الدین ربانی ، بیرقنچه دولتی مقام لروکابل ده گی کور دیپلوماتیک عضو لری اشتراک قیلگن ایدی لر. ایران اسلامی انقلاب کامیاب لیگی نینگ اوتیزآلتی لمچی سالگردی اواولکه ایلچی لیگی ده تجلیل ایتیلدی.ایران اسلامی جمهوریتی نینگ کابل ده گی ایلچسی سی محمدرضابهرامی مهمان لرگه خوش کیلیب سیز دیب ایتتی: بوگوندن اوتیزآلتی ییل آلدین ایران اسلامی انقلابی کامیاب لیگ بیلن منطقه ودنیاده مهم حادثه بولیب اورته گه کیلدی. تهران ده رضاشاه سلطنتی نظامی تاریخ بیلن قوشیلدی.وامام خمینی باشلیغیده مردمی نظام اساسی قوییلدی.
افغانستان اسلامی جمهوریت ملی بیرلیگ حکومت اجرائیه باشلیغی داکترعبدالله عبدالله ایران اسلامی انقلابی کامیاب بولگن لیگ سالگردی اوچون ایران باشلیغ لیگ لری وکابل ده گی شواولکه دیپلومات لریگه قوتلیغ بولسین دیدی وایتتی: اوتیزآلتی ییل آلدین ایران اسلامی جنبشی نینگ کامیاب بولگن لیگی منطقه ودنیاده اسلامی جنبش لر اویغانیش لیگی گه کوپ مهم تاثیرقیلگن دیردیدی
نظرات (2 نوشته شد)
