صفحه اصلی | وطنداران | زبان های دیگر | پشه یی | ناټو او امریکا افغانستان پلا بیی روابط داریاگن

ناټو او امریکا افغانستان پلا بیی روابط داریاگن

اندازه حروف Decrease font Enlarge font

افغانستان اسلامی جمهوریتس جمهوررئیس محمد اشرف غنی گه کوتی دواس پوړا افغانستنس اي اوړی هیئت صفتېدې اول پانا امریکا کوچگه سفر کېویا آیچ .

گه کوتی  دو اس  دی  پتای  وطنس  ډشټا گرای  امریکاس  کانگرس  آنتس  کوت ی  ائ  ساعت کدني  کېکن  گه  امریکاس کانگریس آنتی  افغانستان  بارایه  مهم  او تاریخی  اغت  کدنی  کېکن گه امریکاس  کانگرس  گرای  تپوا  استقبال  پلا  دوراندور بیک  گه اغت کدنی  کوچه اامریکاس  کانگرس  اعضیی  کاو پانا تانک  جاغا کوچای  اوړی  او  استی  کوټنیدی  یعنی  چک  چکدی  استقبال  او گرا ی  کېکن البته مه  اغت  کدنی  دنه وطنس جمهوررئیس  محمد اشرف غنی  گرای  افغانستان  کوچه  فساد ٬ بیی  حکومتداری  ٬ تروریزم  خلاف  مبارزا  ٬ افغانستان کوچه  امریکاس  قوتېلاینا  قربانیا ٬ افغانی  قوتېلاینا تجهیز٬ طالبنه  پلاشیمس اغتېلا اواي  ایلا وري  موضوعات  بارایه  امریکاس  آنتی  معلومات تاړاکېکن .بایشټ ییوگه  مه  کدنی  دنه  امریکا کانگرس  باوری  استه  کوچ  کېکن  البته  اېلو  هم یادواریس  وډړاغت  شی  گه  افغانستان  اسلامی  جمهوریت جمهوررئیس  محمد اشرف غنی  گرای  گه  امریکاس  کانگرس آنتی  اغت  کدنی   کېوی شی  اگه گه میدی پوړا ایلا امریکا دی  ډشټینه پلا  نېنی  کېوی آییک گه  امریکا س  مسئولینه گرای  کین  بوی  تعهدیلاینا  شره  پولینی  خاطر گه  پوځی  ٬ سیاسی  ٬ اقتصادی  او وشني   ونټه  کوچه  افغانستان  پلا بیگه  تانک  کوششېلایه تیز کندی  اوهم  اشرف غنی  امریکا کوچه  امریکاس  دفاع ٬ مالیه  اوهم  کنوالي  ڵمېلاینا  اوائ ایلا وری  اوړی  مسئولینه  پلا تانک  سفردنه  لشچال بوا آس  .افغانستان پوړا پاکستنس  دوندور دارگالی  سیاست رویدی ویټېوی مایی  کوچه  کابل  شارس  شاشهید منطقا کوچه  اوهم  ائ گنات  ور ی   کابلس  وري منطقا کوچه  جان کارنی  لنگاټېلاشره پولینج گه مه  لنگاټېلا دنه  بوبل کابل  شارکوچه  تگالي جنېلا شهیدان  بین ج  گه مه  لنگاټېلایه دی  پتا ی  افغانستان  او  پاکستان منجه  روابطه کم رنگ  بینج  اوانخول  راپوریلا اي گنات تجلیل  کېکالی  گرای  کدن  بگاییک گه  مه  پچوالي کابل  شارکوچای لمبالم نرورستی  لنگاټ  وسله وال طالبان  اوهم  نونگا پیدا بوا داعش   ډلاینا  موجودیت رویدی انچالی  آنتی  دوام  دندی  شک دی  اوړتا  ابت  پاکستان مي  آنتی  کوشش کیگاگه  تانک  شوم  هدف  شره  طالبان  افغان دولتی  قوتېلایه پوړا شی .

اومیدی  اوړتا ایلا سیاسی  وازگالی  گرای  اوهم ملي  شورا کوچه  تگالی خلگېلا انخول کدناهم  کاکن گه یوڵام امریکا اشارایدی  تطبیق  بگا تاگه  امریکاتانک  هدف  شره  پولگانتی  بیی  زمینا برابری بیت کاندیگی  امریکا گرای  پاکستان آنتی  کاو  مېلیون  ډالر تررویم   ضد بارایه  مبارزا خاطری  دین  گوراگن  اوارکوتی  ډلاپلا  امریکاس  خلص  هدف  دارگااو تانک هدفستا تعقیب  او پوړا نېیی .

اوهم  اي گنات  وری منطقایی  او شیمس  شاړوابهیر  بارایه  ایلا مسئولینه  یادور بوا آس  میدی  اوړتا  فساد ٬ بیی  حکومتداری  ٬ سرمایه   وینی  ونټه  هم  ایلای  آسیافی  اچنی  خاطری  اغت  کدویاشن  اوهم  افغانستان  او امریکاپلا تخنیکی  ونټه  کوچه  اي موافقه  لکان  هم  آست  لکان ژنگتا افغانستان اسلامی  جمهوریت  جمهوررئیس  محمد اشرف غنی  اوداکتر عبدالله عبدالله   او امریکا س  کنوالي  ڵمېلاینا  وزارتس  وزیر پلا  ایکټو اي  مطبوعاتتی  کنفرانس کوچه  تاړا  بینج  گه مینا  کدنی  او شره پولیویا  اغتېلایه بارایه  اي  ایلابارایه  پولیناینی  تاړاکېنی  کېکن .

افغانستنس  ملي  شورا گرای  هم تایید بوي   شن  مېمه  ټنگان  نېلا نظر کوچه  مینا  افغانستان  پلا امریکا ترکوتی ونټه  سمړني  کېکا .

نادری

 

نظرات (0 نوشته شد)

مجموعه نتایج: | نمایش:

نظر خود را بنویسید

لطفا کد امنیتی را وارد کنید:

Captcha