صفحه اصلی | hiwad | ګزارش | يو بريالی جنرال چې هلمند يې له يوې لويې فاجعې وساته

يو بريالی جنرال چې هلمند يې له يوې لويې فاجعې وساته

اندازه حروف Decrease font Enlarge font
يو بريالی جنرال چې هلمند يې له يوې لويې فاجعې وساته

د هلمند د ملي امنيت رييس تورن جنرال محمد ياسين خان له هغو د ګوتو په شمېر جنرالانو څخه دی چې په خپله وړتيا او حقه لاره يې د جنرالۍ ستورى ګټلى او اوږې يې د چا د احسان دروندوالی نه حس کوي.ده ټولې هغه دسيسې چې پاکستان او د کوټې شورا د هلمند د سقوط او نيونې لپاره جوړې کړې وې، يو په بل پسې شنډې کړې او دغه ولايت يې خوندي وساته.

دغه استخبارتي افسر په هلمند کې د وروستيو جګړو زياتې درنې شپې په جګړه د بوختو سرتېريو په خوا کې د جنګ په ميدان کې تېر کړې دي.تورن جنرال محمد ياسين خان هلمند ته له تلو وروسته لومړی کار د ادارې پر جوړښت کړی، مسلکي او ژمن کسان يې را يو ځای او بيا د کادرونو ودې پيل وکړ.دا په تېرو څو کالو کې د هلمند په استخباراتو کې لومړی ځل و چې ډېرو کسانو ته د هغوی د وړتيا او استعداد په اساس، داسې مسووليتونه وسپارل شول چې ورباندې پوره وو.د جګړې د عواملو او د طالبانو په ليکو کې د ځينو کسانو ځای پر ځای کول هغه چارې وې چې په سختو حالاتو کې يې د هلمند د سقوط مخه ونيوه.د تر لاسه شويو مالوماتو په اساس، هغه مهال چې پر هلمند د توندو جګړو څپې راپورته شوې، تورن جنرال محمد ياسين خان د ملي امنيت اړوند يو ځواک جوړ او د جګړې ډګر ته ورکښته کړ.عامو خلکو پر دغه ځواک د سنګريانو نوم کښېود او سنګريانو بيا په حتا په هغو سيمو کې طالبانو واک پکې چلاوه، په طالبانو د شپې خوب حرام کړ.دغه ځواک له سقوط شويو سيمو د طالبانو ډېری مشران راوتښتول، د شپې چاپې يې ورباندې ووهلې او درنه مرګ‌ژوبله ور واړوله.دوی د طالبانو په څېر جامې، ږيرې او پټکي درلودل، هماغه ډول ښکارېدل، يوازېنی توپير دا و چې دغه ځواک د وطن لپاره جنګېدا.وروسته چې طالب وسله‌وال د پاکستاني کمانډويانو په ملګرتيا د هلمند مرکز ته ورنږدې شول، همدا ځواک د ډګروال عصمت الله خان په مشرۍ د جګړې ليکو ته کښته شو او مياشتې مياشتې يې د ښار د سقوط مخه ونيوه.تورن جنرال محمد ياسين خان د طالبانو په ليکو کې د خپلو ځای پر ځای کړو کسانو په زور د لښکرګاه د نيولو په موخه د طالبانو له څو لويو لويو پلانو څخه وار له مخه خبر او او د امنيتي قواوو په زور له منځه يووړل.په دغو پلانونو کې يوازې لس لوى موټربمونه وو چې وار له مخه يې مخه ونيول شوه.په دې سربېره، څو ډلې چې انسانان به يې تښتول او مافيا ته يې کار کاوه، هم په ګوته او له بېخه وايستل شوې.د همدغه سړي له برکته اوس د هلمند استخباراتي اداره د قوي او مسلکي استخباراتي پلان په اساس چلېږي چې له امله يې د لښکرګاه ښار، تر کابل څو چنده ډېر ارام او خوندي دی.دی د سهار له شپږو، د شپې تر دوولسو بجو په درېشۍ کې وي او چې د جګړې لمبې لږې ارامې شي، د قومونو يووالي، د روانو کشمکشونو حلولو او له جګړې څخه د جګړه‌مارو په کښېنولو اخته وي.موده وړاندې پاکستاني استخباراتو د کوټې شورا په ملګرتيا پلان جوړ کړی و چې د هلمند مرکز به سقوط کوي، حکومتي بنسټونه به نړوي، د خلکو شتمنۍ به لوټي او په دې توګه به لاره هواروي چې امريکايي هوايي ځواک پر لښکرګاه ښار درنې بمبارۍ وکړي.په دغه پلان کې له طالب جګړه‌مارو سره پاکستانی کمانډو ځواک هم ملګری و او په هېواد کې دننه ورسره د حکومت دننه مافيا او د هلمند قاچاقبرو هم لاس يو کړى و، خو تورن جنرال محمد ياسين خان د دغه پلان مخه ونيوه او په دې توګه يې هلمند له يوې لويې فاجعې وساته.دغه پر وطن مين عسکر او رښتينی اتل دې لا بريالی، لا ګړندی او تر ډېره ژوندی پاتې وي.           سرخط

نظرات (0 نوشته شد)

مجموعه نتایج: | نمایش:

نظر خود را بنویسید

لطفا کد امنیتی را وارد کنید:

Captcha