صفحه اصلی | hiwad | سرلیکنه

سرلیکنه

په کندهار کې د ټاپي پروژې کارکوونکي چا وژلي؟

په کندهار کې چارواکي وايي، چې ناپېژاندو وسله‌والو پرون سهار د دغه ولايت په ميوند ولسوالۍ کې د ټاپي د پروژې پنځه کارکوونکي وژلي او يو تن يې له ځان سره بيولی دی. پېښه له هلمند سره نږدې د کندهار په ميوند ولسوالۍ کې رامنځ ته شوې ده. د کندهار د والي وياند داوود احمدي ويلي، وژل شوي کسان د ټاپي د پروژې د سروې کار کوونکي دي چې په سيمه کې په کار بوخت وو. نوموړي زياته کړه : (( دا کارکوونکي د ملنګ کارېز په سيمه کې د نا معلومو وسله والو تر بريد لاندې راغلي چې پنځه تنه پکې وژل شوي او يو تن بيول شوی.)) د کندهار امنيتي مقامات بيا د دې مهمې او حياتي پروژې ،چې د سروې کار يې پيل شوی د کارکوونکو د امنيت او ثبات ساتلو له مسووليته اوږه خالي کوي،خو دا پروژه، پروژه ګۍ نه ده،بلکې له ګڼو ناندريو او لسګونو کلونو هڅو او منډو ترړو وروسته پيل شوې، دا د قناعت وړ نه ده،چې ګنې د ټاپي د پروژې يادو کار کوونکو د ميوند ولسوال او امنيه قومندان ته ويلي وو چې دوی هېڅ امنيتي ستونزه د خپل کار په وړاندې نه ويني او امنيتي کسانو ته هم اړتيا نه لري. احمدي په دې اړه وويل : (( د ټاپي د پروژې ياد ګډ ټيم په ميوند ولسوالۍ کې زموږ له امنيتي او محلي مسوولينو سره په غونډه کې ډاډ ښودلی و چې ددوی په امنيتي برخه کې دې څوک مداخله نه کوي او دوی کوم خطر نه احساسوي.)) ... ادامه

د افغان جګړې د مخنيوي لپاره د افغان او پاکستاني ديني عالمانو غونډه

د افغانستان د سولې عالي شورا ويلي،چې د دغې ادارې په هڅو له پاکستان سره د سولې او مذاکراتو نوې لاره پرانيستل شوې ده، د دې ادارې چارواکي زياتوي، چې دوی له پاکستاني ديني عالمانو سره مهمه غونډه جوړوي او شرط يې دا دی، چې د دواړو لوريو د ديني عالمانو پرېکړو ته به د افغانستان او اسلام اباد حکومتونه درناوی کوي، دغه اداره وايي، چې دا غونډه به په افغانستان کې د تپل شوې جګړې د مخنيوي او له هغو طالبانو سره د سولې پر خبرو راوڅرخي، چې په پاکستان کې يې ملاتړ کېږي او له هغه ځايه د افغان تپل شوې جګړې د دوام لپاره را استول کېږي. دا ډېره مهمه مسئله ده، خو په هغه صِورت کې چې د جګړې واګې د بل چا په لاس کې نه وای. دا منو او په يقين سره ويلای شو، چې په افغانستان کې د روانې تپل شوې جګړې په لړ کې د افغانانو وژنې په هېڅ صورت روا نه دي او نه هم اسلامي حکم لري، په دې اړه لا له وړاندې د افغانستان او خپله د پاکستان ديني عالمانو فتواوې ورکړي او د اسلامي نړۍ ديني عالمانو ترهګريز بريدونه حرام بللي دي، خو ستونزه دا ده ،چې پر افغانستان د روانې تپل شوې جګړې واګې د ديني عالمانو په جامه کې له پټو استخباراتي او اسلام دښمنو کړيو سره دي ،هغوی پر افغانانو دا جګړه روا بولي او په درواغو د اسلام سپېڅلی دين پلمه ګرځوي او د دې جګړې لپاره روايت ورکوي. ... ادامه

په روژه كې ترهګر بريدونه له خداى ((ج)) او د خداى له بنده ګانو سره دښمني ده

د روژې په دې مباركه مياشت كې د هېواد په بېلابېلو سيمو كې د ښځو، ماشومانو او بوډاګانو په ګډون د بې ګناه، بې دفاع، مظلومو او نورو خلكو د بې رحمانه او وحشيانه وژلو له پاره د هېواد د تاريخي دښمنانو، دسيمې او نړۍ د مغرضو استخباراتي شبكو د روزل شويو تروريستي ډلو د ځانمرګو او غلچكي بريدونو او بمي چاودنو په لړ كې دغو وحشي صفتو ترهګرو وړمه شپه هم د جلال آباد په ښار كې د رمضان جام د كرېكټ د مسابقې پر لوبغاړو او د هغوى پر نندارچيانو په چاودنو او ترهګريزو بريدونو كې اته تنه بې ګناه او بې دفاع لوبغاړي او نندارچيان شهيدان او ۴۵ تنه ټپيان كړل او ترهګرو د روژې په دې مباركه او نېكمرغه مياشت كې په خپلو دغه ډول وحشيانه او بې رحمانه بريدونو او چاودنو سره خپله ناولې او كركجنه څېره بيا بربنډه كړه او له خداى جل جلاله او د خداى جل جلاله له مخلوقاتو سره دښمني يې بيا په اثبات ورسوله. او د روژې په دې مباركه مياشت كې يې په خپلو دغه ډول اسلامي ضد او انساني ضد عملونو، ترهګري بريدونو او چاودنو سره د افغانستان ولسمشر اشرف غني، نورو چارواكو او خلكو، د كركټ بورډ او دغه راز آن د سيمې او نړۍ د نورو بشر دوستو او سوله غوښتونكو او عاطفه لرونكو خلكو زياتې غوسې او كركې راوپارولې، پر عاملينو يې زيات لعنتونه وويل، سخت يې محكوم كړل او وغندل او د خداى جل جلاله له لورې يې پرې د زياتو عذابونو د رانازلېدو غوښتنه وكړه، شهيدانو ته يې د فردوس جنت، ټپيانو ته يې د ژر روغتيا او د هغوى خپلو خپلوانو، ورزشكارانو او نورو خواخوږو او زړه سواندو خلكو ته يې د جميل صبرهيله وكړه رپوټونه وايي چې ځايي ډاکترانو په دغو ۴۵ تنو ټپيانو کې د ځينو حال نازک بللى دى. ... ادامه

پر ديني او ولسواكو بنسټونو ترهګر بريدونه د خلكو مفكوره نه شي بدلولى!

پرون په لوګر او وړمه ورځ په خوست کې د ټاكنو لپاره د نوم ليكنې پر مراكزو ترهګر بريدونه وشول، په خوست كې خو دا مركز په يوه جومات کې جوړ شوى و، چې د ولسي جرګې او د ولسواليو شوراګانو لپاره په كې نوم‎ليکنې وشي، خو له بده مرغه ،چې په دغه مقدس ځاى كې هم دا مركز په نښه شو او هېڅ د جومات تقدس ته هم پام ونه شو. په داسې حال كې ،چې جومات د اسلام د مبين دين سپېڅلى او له هر ډول تعرض نه خوندي ځاى دى، آن تر دې چې د خداى کور ګڼل کېږي، خو د تاريخي او قسم خوړلي دښمن له پلان سره سم يې ترهګر طالب او داعش په بمونو الوځوي او په كې د بې ګناه ملكي وګړو وينې تويوي. دغه راز ښوونځي د ښوونې او روزنې مراكز دي، چې ديني، پرمختيايي، صحي او نورې زده كړې په كې كېږي. د دې ترڅنګ رسنۍ د ملت د پرمختګ، روا غوښتنو او د خلكو د ارامۍ او امنيت لپاره خپرونې كوي، خو په دې وروستيو كې هم جوماتونه ، هم ښوونځي او هم دا رسنۍ ،چې د پوهنتون، ښوونځي او ديني مركز رول ادا كوي، تر بريدونو لاندې راغلې دي، د خندق په نامه عملياتو وښووده ،چې د افغانستان دښمنان د افغانستان د خلكو پر ديني، ښوونيزو ،روزنيزو او ولسواكو ازرښتونو بريدونه متمركز كړي دي! دښمن مو نه پرېږدي، چې ازاد، خپلواك، ولسواك او پوه مسلمانان وو! په لومړي سر كې دولت دا مسووليت پر غاړه اخيستى ،چې د خلكو لپاره د پرمختګ، زده كړو او ازادۍ حقونه خوندي كړي او د دغو ډګرونو امنيت ټينګ وساتي. ... ادامه

د ترهګرۍ پرضد د امريكا او روسيې د ګډې مبارزې اوازې

د امريکا او روسيې حكومتونو په افغانستان كې د ترورېزم پر وړاندې د ګډې مبارزې وړانديز كړى دى. دا په نړۍ كې ستر قدرتونه او يو د بل رقيب هېوادونه دي، د دواړو له همكارۍ او ګډې مبارزې پرته د افغانستان، سيمې او نړۍ جګړې او لانجې هم نه شي حل كېداى، خو كه دواړه لوري وغواړي، نو دا كار په كم وخت كې هم كېداى شي. له بده مرغه همدغو رقابتونو په افغانستان كې تپل شوې جګړه روانه ساتلې ده، خو زيانونه يې دغو دوو سترو قدرتونو ته هم اوړي، روسيې هم ستره تېروتنه وكړه ، له امريكا او لوېديځ سره يې په سيالۍ كې پر افغانستان يرغل وكړ او تر اوسه ځان د افغانستان وارثه بولي، خو په دې كې يې ستره ماتې وخوړه او دا ماتې يې د امريكا په همكارۍ او مرسته خوړلې ده، سره له دې، چې ډېرو هېوادونو له روسيې آزادي واخيسته او په سياسي ،پوځي او اقتصادي ډګرونو كې يې سختې ماتې وخوړې، خو په افغانستان كې يې تپل شوې جګړه دوامداره وساتله او تر اوسه د دې جګړې د دوام لپاره هلې ځلې كوي ، ان تر دې چې روسيه د افغانستان د وېشلو او تجزيې له مفكورې او پلانه لاس نه اخلي! ... ادامه

د اندونيزيا په غونډه کې د ديني عالمانو رسالت

د افغانستان، پاکستان او اندونيزيا ديني عالمان به راتلونکې اوونۍ په جاکارتا کې راغونډ شي چې د افغانستان د جګړې د پای ته رسېدو لپاره سوله ييزه حل لار ومومي. دا کنفرانس د روانې مې مياشتې په يوولسمه د اندونيزيا د ولسمشر جوکو ويدودو په وړانديز او کوربه توب جوړېږي. په تېره مارچ مياشت کې هم د دې غونډې لپاره هڅې شوې وې، د اندونيزيا ولسمشر د دغه کنفرانس وړانديز د جنورۍ په مياشت کې کابل ته د سفر په مهال کړی و او ويلي يې وو چې اندونيزيا د نړۍ د يو بې پرې هېواد په توګه کېدای شي چې د افغانستان په سوله کې مثبت رول ولوبوي. افغان حکومت د دې غونډې لپاره پوره تياری نيولی، د افغانستان ديني عالمان په هېواد کې د تپل شوې جګړې د دوام لپاره د پاکستاني ملايانو او تش په نامه مفتيانو له خوا ترهګر او ځانمرګي بريدونه غندي، په همداسې حال کې طالبانو هم د افغان حکومت او ولس پرضد ترهګريز بريدونه ډېر کړي ، هغوی د (( خندق )) په نامه نوي پسرلني عمليات اعلام کړي ،چې په افغانستان کې يې ملکي وګړو ته سخت زيانونه اړولي دي.دا بريدونه په هېواد كې هر ډول پرمختيايي، ولسواکي او نورو هڅو مخنيوي کوي. ... ادامه

افغان ملت د برېښنايي تذکرو د وېش توود هرکلى کوي!

افغان ولس په پراخه کچه د برېښنايي تذکرو د وېش هرکلی کړی او ملت د مهم ملي بهير د تحقق او ملي هويت د خوندي کېدا لپاره د دغو تذکرو د تر لاسه کولو لپاره بشپړ تياری ښکاره کړی دی. له همدې امله د تېرې پنجشنبې ورځ د افغانانو په تاريخ کې مهمه وګڼل شوه او د برېښنايي تذکرو بهير رسماً پيل شو، چې افغان ولس يې د يو ويشتمې پېړۍ مهم پړاو ته داخل کړ.د برېښنايي تذکرو وېش ستره ملي اړتيا ده، چې له نېکه مرغه اوس يې ټول قانوني پړاوونه بشپړ شوي او د اجرا کولو لړۍ يې پيل شوه، د نفوسو د احوال د ثبت ادارې هم ويلي ،چې هغوی به دا لړۍ په لومړيو کې په کابل او بيا ټول هېواد کې بشپړه کړي. ولسمشر غني لومړی امنيت ياد کړ، چې دا تذکرې يې خوندي کولی شي، د هغه خبره پر ځای ده ،چې په دې سره د خپل او پردي توپير کېدای شي او د افغان ملت هويت ثابتوي او د افغان په جامه کې بې مسؤوليته او مجرمانو د پټېدلو مخه نيسي. دا تذکره اقتصادي رفاه رامنځته کوي او عدالت او ټولنيز حقونه تامينوي. ... ادامه

د افغان جګړې اور د سيمې او نړۍ هېوادونه هم وريتولى شي!

د طالبانو له خوا د نويو پسرلنيو عملياتو د اعلام پرضد سخت حساسيتونه را پارېدلي دي، ملي فكر دا دى، چې طالبان په هېڅ توګه خپلواك كېداى نه شي او د هغوى تر څنګ نورې ترهګرې ډلې هم د پردۍ تپل شوې جګړې د دوام او بيا په دې جګړه كې د افغان دښمنو كړيو د ناوړو مقاصدو لپاره كارول كېږي! دا مفكوره وروسته له هغې بيا تازه كېږي، چې طالبانو بيا هم د افغان حكومت سوله ييز وړانديزونه ونه منل او د خپل بادار په امر يې رد كړل. كه نه نو هغوى ته دا ځل بې ساري داسي چانسونه وركړل شوي ،چې كولى شي، ترې د خپل سياسي ظهور لپاره كار واخلي، خو داسې نه شي كولى! پر طالبانو بيا هم د نوي كال په را د بره كېدو سره د (( خندق )) په نامه پسرلني عمليات اعلام كړاى شول، چې ورسره جوخت د هېواد په ګڼو سيمو كې افغان ځواكونو ته مرګ ژوبله واوښته. دا چې د (( خندق )) د عملياتو رېښه له كومه ځايه او څنګه سرچينه اخلي، پر دې نه غږېږو ،ځكه دا نوم په هېڅ توګه د افغان تپل شوې هغې جګړې لپاره اطلاقېداى نه شي، چې افغان او د ګردې اسلامي نړۍ ديني عالمان يې (( ناروا )) بولي، خو دلته بحث پر دې دى، ... ادامه

د ټاکنو د مخنيوي لپاره طالبان سولې او اوربند ته نه پرېښوودل کېږي!

د کابل په ګډون په ګڼو ولايتونو کې د انتخاباتو لپاره د نوم ليکنې پر مرکزونو ترهګرو بريدونو وښوده ،چې دښمن په هېڅ توګه نه غواړي، چې په افغانستان کې د ولسواکۍ د مهم اصل د تحقق لپاره ټاکنې وشي! په کابل کې وړمه ورځ ترهګر بريد د ولسي جرګې او ولسواليو شوراګانو لپاره د نوم ليکنې پر مرکز په برچي سيمه کې وشو،چې څه باندې ۱۷۰ کسانو ته مرګ يې ژوبله اړولې ده، ورته بريد پرون په بادغيس کې هم وشو ،چې نهه افغان ځواکونه يې شهيدان او يو شمېر نور ټپيان کړل، دا ډول بريدونه په ننګرهار او د هېواد په شمل کې هم شوي دي. دا بريدونه که څه هم په کور د ننه او نړيواله کچه سخت غندل شوي او اروپايي او نړيوالې ټولنې يو ځل بيا د ټاکنو د ملاتړ لپاره د هر راز مرستو ژمنې تازه کړې، خو دا وېره ده ،چې دا ډول نور بريدونه به هم وشي. سره له دې، چې د افغانستان ملي دفاع وزارت د دغو ټاکنو د امنيت ډاډ ورکړی او وايي چې د دې لپاره به پر ترهګرو او وسله والو مخالفينو بمبارۍ زياتې کړي، خو بيا هم راتلونکې انتخابان خوندي دي! دا منو ،چې د ناټو تړون به د امريکا په مشرۍ له ترورېزم سره د مبارزې په برخه کې د افغانستان تر شا وي،خو د افغانستان تاريخي او قسم خوړلی دښمن په ټول وس د ټاکنو د پراخ بهير مخنيوی کوي. ... ادامه

د نوم ليكنې پر مركز بريد پر انسانيت او شرافت بريد دى!

ترهګرو خپلو بادارانو ته په چوپړ كې پرون سهار يو ځل بيا ګڼ ملكي وګړي د وير او ماتم پر ټغر كېنول، دوى په کابل ښار کې دانتخاباتو لپاره د نوم ليكنې اود پېژندپاڼو پر مرکز ځانمرګى بريد وكړ.په دغه بريد كې ۳۵ تنه شهيدان او 54 نور ټپيان شوي دي. دغه بريد د کابل ښار په شيعه مېشته سيمه ( دشت برچي ) كې وشو. ددغه بريد پړه بياهم پرداعش ترهګرې ډلې وراچول شوې ده. په دغه بريد دښمن څو موخې په نښه كړې، لومړى دا چې دا بريد د ولسواليو د شوراګانو او دولسي جرګې د ټاكنو لپاره د نوم ليكنې پر مركز وشو او دښمن غواړي، چې په دې توګه په ولس كې د وېرې او ډار فضا خوره كړي ،چې ګنې د ټاكنو لپاره د دا ډول تياريو چارې هم له ترهګريزو بريدونو خوندي نه دي دوهم دا چې دا بريد يو ځل بيا د نورو بريدونو په څېر په شيعه مېشتې سيمې كې شوى دى. دښمن دغه راز ډېر نور ترورېستي بريدونه هم كړي،چې د افغانانو ترمنځ د بېلتون او تفرقې اچولو لپاره لاره برابره كړي، درېـيم دا چې دا بريد پر ولسواكو ارزښتونو بريد دى، ... ادامه

1 2 3 4 5 6 7 8 9 10 next last مجموعه نتایج: 598 | نمایش: 1 - 10