صفحه اصلی | hiwad | سرلیکنه

سرلیکنه

افغانستان ته د کاسا۱۰۰۰ پروژې اهميت حياتي ارزښت لري

وړمه ورځ د افغانستان له خاورې پاكستان او هند ته د تاجكستان د لېږدونكې برېښنا ( کاسا- ۱۰۰۰ ) د پروژو تړون لاسليك شو، دا هغه پروژه ده چې په كې د افغانستان امنيت ،ثپات او پرمختګ نغښتى دى. د کاسا-۱۰۰۰ برېښنا پرژوې لويه برخه د افغانستان له لارې تېرېږي چې بيا پاکستان او هند ته انتقالېږي. د افغانستان د برېښنا شرکت د دغې پروژې تړون د دوشنبې په ورځ په ارګ کې د (کې پي ټي ال) او (کې اى سي) هندي شرکتونو سره لاسليک کړ، ولسمشر غني هم د تړون د لاسليک کولو پر مهال موجود و. نړيوال بانک د کاسا-۱۰۰۰ پروژه تمويلوي چې لګښت يې ۲۳۵،۱۶ ميليونه ډالر کېږي او په درېـيو کلونو او درېـيو پړاوونو کې به عملي شي. د کاسا ۱۰۰۰ پروژه ۷۶۵ کيلومتره اوږدوالى لري، چې ۵۶۳ کيلومتره يې د افغانستان له اوو ولايتونو کندز، بغلان، پنجشېر، کاپيسا، کابل، لغمان او ننګرهار په ۲۳ ولسواليو کې تېرېږي او په تطبيق سره يې د دغو سيمو ۱۵۲۰۰۰ زرو کورنيو ته پر برېښنا سربېره د کار زمينه هم برابرېږي. د کاسا- ۱۰۰۰ پروژه ، نه يواځې د برېښنا د انتقال ځانګړې پروژه نه ده چې له منځنۍ آسيا افغانستان ته او جنوبي آسيا ته برېښنا انتقال کړي، بلکې دا د دوو سيمو ملتونه او څلور هېوادونه سره نښلوي، او دا برېښنا د سيمه ‌ييزو همکاريو وسيله ده. ددغې پروژې پر سر له شاوخوا لسو کلونو راهيسې د افغانستان، پاکستان، قرغيزستان، تاجکستان او تمويلونکو ادارو ترمنځ بحثونه روان وو او د ۱۳۹۵ ل کال د ثور په مياشت کې د څلورو هېوادونو مشرانو پر دغې پروژې موافقه وکړه. د تاجکستان د اوبو او برېښنا وزارت مرستيال جمشېد شيوم‌ زاده، چې د يادې پروژې د پيل لپاره کابل ته راغلى ، وويل ،چې دا له تخنيکي پلوه بېسارې ده، داسې تخنيک په سيمه کې نه وو او نشته، موږ د يو بل له سيستمونو څخه زده کړه وکړه او موجود خنډونه مو په ګډه سره له منځه يووړل، ... ادامه

افغانستان ته دې د نړيوالو ترهګروډلو د رالېږلو مخنيوی وشي

داسې رپوټونه ورکړل شوي ،چې په عراق کې د داعش له ماتې وروسته په افغانستان کې د دې ډلې فرانسوي او الجريايي جنيګالي ليدل شوي. په سوريه کې هم د داعش ليکې ځپل شوې او د روسيې ولسمشر پوتين چې سوريې ته تللی و ،له خپلو ځواکونو سره په کتنه کې دغو ځواکونو ته ويلي ،چې له سوريې به يې بېرته ستانه کړي. روسيه د اسد په مشرۍ د سوريې له حکومت سره ولاړه ده او د دغه حکومت په ملاتړې يې مخالفې ډلې تر سختو بريدونو لاندې نيولې دي. په همداسې حال کې وېره وه ،چې له عراق او سوريې ماتې خوړلې داعشۍ ډلې به افغانستان ته ستنې کړل شي چې دلته غوبل جوړ او د افغان حکومت چارې وننګوي. اروپايي ټولنې او امريکا هم له عراق او سوريې د ستنېدونکو ترهګرو ډلو له خوا پر راولاړېدونکو ننګونو اندېښنه ښکاره کړې ده. ګڼ شمېر نړيوالو او افغان سرچينو د فرانسې خبري آژانس ته ويلي چې له سوريې راغلي فرانسوي او الجريايي جنګيالي اوس د افغانستان په شمال کې د دې ډلو له ليکو سره يو ځای شوي دي. د دوی په وينا داعش د افغانستان د شمال په ځينو سيمو کې تازه اډې او مرکزونه جوړ کړي دي. که دا ريښتيا شي ،نو دا به لومړی ځل وي چې په افغانستان کې د داعش ډلې د فرانسوي جنګياليو حضور ثبتېږي. دغه پديده د فرانسې لپاره هم د انديښنې نښه بلل کېږي، ځکه له ۲۰۱۵م کال راهيسې يې د داعش ډلې تر ټولو بد خونړي بريدونه ،په فرانسه کې وکړل. د شمالي ولايت جوزجان د درزاب ولسوالي ولسوال باز محمد داور په دې هکله ويلي چې «د نومبر په مياشت کې يو شمېر الجريايي او فرانسوي کسان درزاب ته رسېدلي دي.» داور همدا راز زياته کړې چې د دوی په ډله کې دوې مېرمنې هم ليدل شوې چې د تاجکستان، ازبکستان او چيچنيا له ژباړونکو سره يې سفرونه کړي. ... ادامه

په نوي ډيلي كې د روسيېچين او هند غونډه

په پام كې دي ،چې نن دوشنبې په نوي ډيلي کې د روسيې، چين او هند درې اړخيزه غونډه جوړه او په كې د افغانستان پر حالاتو خبرې وشي دا ۱۵مه درې اړخېزه غونډه ده. د روسيې د بهرنيو چارو وزير ويلي چې د غونډې اساسي هدف د افغانستان پر حالاتو خبرې دي: (( د نېشه يي توکو کرکيلې او قاچاق او همدا راز روانو سياسي او پوځي حالاتو په افغانستان کې د ترهګرو د فعاليت لپاره زمينه برابره کړې ده. )) دا غونډه په داسې حال کې جوړېږي چې روسيه او چين د افغانستان په ستونزه كې دخيل دي. روسيه له يوې خوا وايي ،چې په افغانستان كې د جګړې د حل لپاره مذاکرات غوره دي ،خو له بلې خوا له وسله والو طالبانو سره مرسته كوي او هغوى ته وسلې ،پيسې او تجهيزات وركوي او دغه راز په تاجكستان كې د طالبانو د تجهيزاتو د جوړولو لپاره وركشاپونه لري. دغه راز روسيه نه غواړي چې په افغانستان كې دې د امريكا رول ډېر وي او يا دې له افغانستان سره د نړيوالې ټولنې مرستې دوامدارې وي، خپله هم له افغانستان سره د امنيتي، پرمختيايي او نورو چارو او پانګونو لپاره نه را وړاندې كېږي. روسيه په افغانستان كې د تپل شوې جګړې پر دوام خوښه ځكه ده چې د سيمې د سوداګرۍ د وصل نقطه ( افغانستان ) آرام نه وي او د دوى د هېواد له لارې د سيمې دا سوداګري وشي ،كه هر څومره اوږده هم وي ،خو چې ګټې يې يوازې او يوازې روسيې ته ورسېږي، خو افغانستان اوس د دې وړ دى او د سيمې د وصل پر مهمې نقطې بدل شوى دى. افغانستان چې د آسيا زړه دى ، ... ادامه

ټرمپ د ټول مسلمه امت فکرونه او زړونه ټپيان کړل

څو ورځې وړاندې د امريکا ولسمشر ډونالډ ټرمپ اعلام وکړ چې د خپل هېواد سفارت دې په اسرائيلو کې له تل ابيبه ، بيت المقدس ته ولېږدول شي، د امريکا ولسمشر ټرمپ په دې توګه هغه بيت المقدس چې د يهودو له خوا غصب شوی او هره ورځ د مسلمانانو وينې پرې بهېږي، د ټولو نړيوالو ارزښتونو پرضد ، د اسرائيلو د پلازمېنې په توګه په رسميت وپېژانده. د ټرمپ دغه اقدام په ګرده نړۍ کې سخت حساسيتونه را وپارو ل او ويې وغانده، په امريکا متحدو ايالتونو کې هم ملت را پورته شو او د ټرمپ دا پرېکړه يې وغندله. اروپايي ټولنې هم د ټرمپ دغه اقدام غير قانوني او پاروونکی وباله. عجيبه لا دا ده چې د برېټانيې لومړۍ وزيرې ټرېزا مې هم د خپل حکومت په استازيتوب پر دې مسئله د تمساح اوښکې تويې کړې!؟ دا په اصل کې د انګرېز هغه ګام دی ،چې اويا کاله وړاندې يې پورته کړی و ،انګرېزانو لومړی دا سيمه غصب کړه ،بيا يې يهود پرې واکمن کړل او د مسلمانانو د وژنو لپاره يې په کې جګړه را منځته کړه. اسرائيل هم لکه د پاکستان په څېر د برېټانيې هغه خيرن بنسټ دی ،چې تل يې ترهګري را منځته کړې او په مسلمه امت کې يې شرارت را منځته کړی دی. د ټرمپ اوسني اعلام هم د افغان ولس سخت حساسيتونه را پورته کړي او د نور مسلمه امت په څېر يې فکرونو او زړونو ته صدمه رسولې ده. افغان حکومت له خپل ديني مشرانو او جهادي شخصيتونو سره په غونډو کې دا عمل غندلی او ولسمشرۍ ماڼۍ په دې اړه د غندنې اعلاميه خپره کړې ده. ... ادامه

امريكا دې له پاكستان سره د خبرو او نرم چلند پاليسۍ ته د پاى ټكى كېږدي

پرون غرمه پاکستان ته د امريکا د دفاع د وزير جېمز مټېس لاړ او د اسلام اباد له چارواكيو سره يې د ترهګرۍ پرضد د مبارزې په اړتيا خبرې وكړې. د دغه د سفر تر څنګ افغان چارواكو هيله ښكاره كړه ،چې اسلام اباد ته دې دغه سفر ښې پايلې ولري او امريکا دې اسلام‎اباد اړ كړي ،چې د ترورېزم له ملاتړه لاس په سر شي. دا په داسې حال كې ده ،چې د افغانستان او جنوبي اسيا د هېوادونو لپاره د امريكا د ولسمشر ډونالډ ټرمپ د اعلام شوې ستراتېژۍ ۱۰۰ ورځې پوره شوې، خو پاکستان د ترورېزم پاللو پالېسي نه‎ده بدله کړې. په افغانستان كې ګڼ ترهګر بريدونه پاكستان پلان كړي او دغه راز يې د طالب ،داعش او ترهګر په جامو كې د افغانستان د جګړې د دوام لپاره ملېشې په دوامداره توګه را استولې دي. خو ښاغلي مټېس اسلام اباد ته د سفر په درشل کې ويلي، لازمه نه‎ده چې پر اسلام اباد فشار راوړي، خو تمه‌يې هم ښکاره کړه چې له ترورېزم سره په مبارزه کې پاکستان بايد په خپلو ژمنو ودرېږي. ... ادامه

د مخدرو موادو د توليد په کارخانو بريدونه

په افغانستان كې د امريكا ،ناټو او افغان ځواكونو له خوا د مخدرو موادو د توليد پر كارځايونو سخت بريدونه پيل شوي دي،افغان حكومت د دغو بريدونو تود هركلى كوي، د ارګ غوښتنه دا ده چې د مخدرو موادو د توليد او قاچاق ټول ځايونه دې په نښه او له منځه يووړل شي. په افغانستان كې د ناټو ځواكنو عمومي قوماندان هم د دې پديدې د كارځايونو د له منځه وړلو لپاره د سترو عملياتو خبره كړې ده، جنرال نيكولسن ويلي، چې د مخدرو موادو د كارخونو د له منځه وړلو پر نيت يې نوي او پراخ پوځي عمليات پيل كړي دي. جنرال جان نيکلسن وايي له افغان ځواکونو سره په ګډه دا عمليات د طالبانو پر ضد او په خاص ډول د هغوى د مالي سرچينو د ختمولو لپاره پيل شوي دي. نوموړي وويل په دغو عملياتو کې په لومړي ځل له B-52 الوتکو څخه هم کار واخيستل شو داسې رپوټونه هم وركړل شوي ،چې په دغو عملياتو كې اف ۲۲ جنګي الوتكې هم كارول شوې او د مخدرو موادو ټول اته مرکزونه يې ويجاړ کړل. نيكلسن وايي افغان ځواکونو هم د طالبانو د نېشه يي توکو څلور فابريکې ويجاړې کړې. ... ادامه

په بندرونو کې دې د توکو د انتقال لپاره تاسيسات جوړ شي

دا ريښتيا ده چې د پلازمېنې كابل ۷۵ سلنه ودانۍ او ښارګوټي غير معياري دي او د ولسمشر محمد اشرف غني په خبره پر دې غير معياري ودانيو او كارونو په سمه توګه كار نه دى شوى، له همدې امله دا د سترې ستونزې مسئله ده او د ژوندانه خنډونه يې ډېر كړي دي، له بده مرغه دا د تېرو نظامونو ستره ستونزه ده چې اوسني نظام ته په ميراث ورپاتې ده، د كابل ښارګوټي يا په غصب شويو مځكو جوړ شوي ،يا غير معياري دي او يا هم په كې د خوندي ژوندانه ارزښتونه له سره ليدل كېږي هم نه! هر چا لاس ټيټ كړى او وهنه يې كړې ده. كه هر زورواكي او هر چارواكي د پيسو د خوړلو او يا د مځكو د غصب او په كې د پيسو د سپينولو لپاره ودانۍ جوړې كړي، بس حكومت هم نه دي پوښتلي. دغه راز موږ وليدل چې د كابل سړكونه به له پخولو وروسته بېرته خامېدل او داسې څوك نه و، چې د دغو شركتونو له څښتنانو حساب وغواړي او يا هم اړ شي، چې لږ ترلږه يې چارې معياري او د ولس ژوند په كې خوندي وي!؟ دغه حالت د سترې اندېښنې وړ دى، خو اوسني حكومت ته د نه منلو دى، وايي : (( د دولت مال ، درد لري، خو مرګ نه! )) ... ادامه

د آسيا د کرېکټ جام ګټل او د افغانانو ستره تاريخي بريا !

ځوانو افغان اتلانو پرون د آسيا دکرېکټ لوبو جام پورته او د هېواد په نوم کړ. دا لومړی ځل و ،چې له۱۹ کلونو کم عمره ځوان افغان اتلان د آسيا د کرېکټ پر سياليو ورګډ شول، په کې په حيرانوونکې توګه ولوبېدل او تر پايه په ستره مېړانه د لوبو په ډګر کې پاتې او خپل سيال پاکستان ته يې په شرموونکې ماتې سره د دغو اتلوليو جام پورته کړ! دا لومړی ځل دی ،چې د افغانستان له ۱۹ كلونو کم عمره ملي لوبډله د آسيا د خپلو همځولو د کرېټ په سياليو کې ګډون کوي او دغه جام ګټي. افغان اتلان له دې وړاندې چا په دغو لوبو کې پرېښودل هم نه، خو اوسنيو اتلوليو يې وښوده چې په سيمه کې يې د سيالۍ ساری نشته! افغان تنکيو ځوانانو په دغو لوبو کې يوازې يوه لوبه بايللې ،خو نورې ټولې يې په ستر توپير وګټلې. د افغانستان د اسلامي جمهوريت جمهور رييس محمد اشرف غني د افغانستان ملت ته د دغې سترې او تاريخي بريا مبارکي وايي. ده ويلي: (( د افغانستان ځوانې لوبډلې په پاىلوبه کې د پاکستان د نولس کلنو د كرېكټ لوبډلې ته په ماتې ورکولو سره وتوانېده چې د خپل هېواد لپاره د اتلولۍ جام وګټي. )) ... ادامه

د ترهګرو د ځپلو لپاره دې د نړيوالې امنيتي غونډې پرېكړې هرو مرو پلې شي

دبشر د ډېر ستر او گډدښمن په توګه دداعش ،القاعده ،طالبانو او د حقاني شبكې په ګډون د ترهګرو دځپلو اود پاكستان په څېر دهغوى دملاتړ كوونكو، توليد وونكو اوصادروونكو هېوادونو دشومو توطئو او ناوړو موخو دشنډولو اوناكامولو لپاره دنړۍ دبېلابېلو هېوادونو دغوڅو او رښتينو مبارزو دلاسختوالي او زياتوالي او د داسې نورو امنيتي ګامونو د پورته كولو په موخه وړمه ورځ دكاناډا په هېواد كې نړيواله امنيتي غونډه جوړه شوه چې دافغانستان په ګډون دنړۍ د بېلابېلو هېوادونو لوړيوړو چارواكو اود بين المللي سازمانونو اونورو نړيوالو بنسټونو استازو په كې برخه اخيستې وه چې دترهګرو له شره دافغانستان ،هند ،سوريي،عراق، سوماليې، نايجيريا، بنګله دېش، پاكستان او آن دامريكا، فرانسې، بريتانيې، جرمني،بلجيم او دغه راز د سيمې او نړۍ د نورو هېوادونو د خلكو دژغورلو اوداسې نورو نړيوالو امنيتي تدبيرونو دنيولو لپاره داغېزمنو پرېكړو په صادرولو سره پاى ته ورسېده. د دغې غونډې په پرېكړو كې له ټولو برخه والو هېوادونو څخه په كلكه غوښتنه شوې چې په سيمه كې دې دترهګرو د ځپلو اودهغوى دملاتړكوونكو، توليدوونكو،صادروونكو، روزونكو او وسله وال كوونكو هېوادونو دشومو توطئو دبيخي شنډولو او ناكامولو لپاره ديادې نړيوالې امنيتي غونډې دصادروشويو پرېكړو دپلي كولو په موخه له خپل ټول ځواك او امكاناتو څخه كار واخلي اوپه دې برخه كې دې خپلو شويو ژمنو ته دعمل جامه ور واغوندي اوله دې لارې دې ... ادامه

د ملت د دوکه کولو لپاره د ناکامو سياستوالو هلې ځلې!

افغان حکومت په اوسني وخت کې د لويې جرګې را بلل مناسب نه بولي او نه هم دا وخت د لويې جرګې د رابللو دی، د افغانستان ولسمشرۍ ماڼۍ د هرې هغې ډلې د هڅو مخالفت کوي، چې د لويې جرګې د را بللو لپاره يې روانې ساتلې دي! لويه جرګه د افغانستان ملي ارادې تمثيلوي او په هغه وخت کې را بلل کېږي ،چې هېواد له سخت بحران سره مخ وي، خو نن د افغانستان نظام پر ښه روان دی او ډېرې داسې سترې سترې لاسته راونې لري ،چې ولس يې ارمانجن و. ملت د ولسمشر محمد اشرف غني د هڅو له امله پر خپلې راتلونکې ډاډمن او له خپل حکومته راضي دی، نو په دغه راز حالت کې د لويې جرګې رابلل د څه لپاره!؟ له بده مرغه په کور د ننه يو شمېر کړۍ په پرله پسې توګه هلې ځلې کوي ،چې د افغانانو ملي هويت ( لويې جرګې ) د رابللو په پلمه په هېواد کې نفاق رامنځته او هغه پام چې د ترهګرۍ ضد مبارزې او د دې پديدې د ملاتړو د ضعيفولو لپاره پر هلو ځلو ورټول دی، بلې خوا ته واړوي. دا کړۍ هر چا ته مالومې دي او وخت ناوخت د خپلو مغرضو غوښتنولپاره هڅې کوي،خو دا چې ولس پرې باور نه لري، نو اوس يې غږ پورته کړی ،چې ګنې وخت نازک دی او بايد لويه جرګه را وبلل شي!؟ لويه جرګه د افغان ولس ستره ملي ،عنعنوي او تاريخي غونډه ده چې په ډېرو مهمو وختونو کې را بلل شوې او هېواد يې له ناورينه ژغورلی او يا يې هم د تاړاکګر پرضد ولس په ملي کرښه کې يو موټی او متحد، درولی دی؛ ... ادامه

1 2 3 4 5 6 7 8 9 10 next last مجموعه نتایج: 518 | نمایش: 1 - 10