محرقه

اندازه حروف Decrease font Enlarge font

محرقه يا وچکي يو کلينيکي سيندروم دى،چې د سلمونيلا ارګانيزمونو په واسطه منځته راځي. انسان د دې مکروب يوازنۍ طبعي منبع ده، نو ځکه د يو انسان څخه بل ته انتقالېږي. هغه غذايي مواد يا اوبه چې د متن شخص دغايطه موادو څخه ککړ شوي وي د ناروغۍ دانتقال مهم جز تشکيلوي او دا ناروغي مستقيماً د خولې دلارې شيوع ليدل شوي دي . د منتنې حامله مور څخه دپريتوان له لارې جنين ته هم دامکروب انتقاليداى شي.

 دمحرقې د تفريح دوره د ٧ څخه تر ١٤ ورځو پورې ده . په دې ناروغي کې تبه ، بې اشتهايي، ستړتيا ، عضلي دردونه  دګېډې دردونه اسهال او وروسته قبضيت لېدل کېږي .د ناورغۍ په دويمه اوونۍ کې د بطن  په پورتني برخه کې  Rose spot ليدل کېږي. د سينې په اصغاء کې  ممکن منتشر رالونه  اوريدل کېږي. د دې ناروغي تشخيص د وينې  کلچر په واسطه کېږي. د مزمن ناقل د غايطه موادو او ادرار کلچر هم مثبت وي . د دې ناروغۍ د تشخيص لپاره دکلاسيک ويډال  ټيسټ  دغلتو مثبت او منفي  نتايجو له امله خپل تشخيصي ارزښت له لاسه ورکړي. دا ناورغي بايد دملاريا ، توبرکلوز ،سوزک ، اپنديست ، مننجيت ، لوکېميا  ،لمفوما، هيپتيت، سينه بغل ،برانشوليت او ويروسي انتاتاناتو  سره بايد تفريقي تشخيص وشي. د دې ناروغۍ په واسطه کېداى شي، په ناروغانو کې دکولمو څخه وينه بهيدنه  او څېرې کېدل  منځ ته راشي، چې دا بيا د فشا ر دټيټېدو  سبب هم کېږي او همدارنګه  په ناروغ کې د ګېډې درد او حساسيت او استفراق ليدل کېداى شي .

 ددې ناروغۍ  نيورولوژيک اختلافات لکه د داخل قحفي فشار زياتوالي ، Aphasia  , chorea  کوڼوالي  Hemiplagia , pychois , monoplegia, schizophrenia , meningitis , orchitis , pericordits,  pyelonephritis, parotitis , osteomylitis, nephroticsyndrum , septic , arthritis , shock: Anemia  ليدل کېداى شي.  د دې ناروغۍ انزر د ناروغ په عمر  روغتيايي حالت  تايپ او احتلاتاتو پورې  تړلى دى. د منظم انتي بيوتيک  تېراپي سره د مرګ شمېر  تر يو سلنه پورې  راغلى دى. که ناروغ اختلاتات  ورکړي وي.  د مړينې شمېر يې زياتوالي مومي.  دا ناورغي له درملنې څخه دوه اوونۍ وروسته  عود کولاى شي او ځينې وخت د مزمن ناقل په بڼه هم پاتې کېږي. د دې ناورغۍ وقايه دشخصي حفظ الصحي او پاکو اوبو او لاسونو منځل په واسطه کېږي او همدارنګه د دې وقايه  د درې ډوله واکسين په واسطه هم ترسره کېږي. 

درملنه:

 د دې ناروغۍ يې درملنه اساس انتي بيوتيک ورکول دي، خو څرنګه چې د ځينو انتي بيوتيک لکه کلورم فينکال او امپسلين ، کوتروميکسازول په مقابل کې مقاومت  ورځ په ورځ زياتېږي، نو بايد د درېيم
جنريشن سفالوسپيرين په واسطه بايد درملنه و شي.

که چېرې داسې ناروغ وي  ، چې د وجود مقاومت يې کم وي ، نو ترڅو چې  دکلچر نتيجه  راځي. بايد ورته Cefixim   يا ceftrixone   په خپل دوز سره پيل شي.  که چېرې دا ناروغان په کوما ، شاک، او مرګوني حالت کې وي. بايد  دلنډ وخت  لپاره ورته  Dexamethasone ورکړل شي او همدارنګه   يادو ناروغانو ته تقويوي درملنه هم په کارده .يعنی ناروغ ته بايد مايعات او اليکتروليت او ګلوکوز  د وريد له لارې  ورکړل شي،خو که  ناروغ کم خونى وي  بايد تازه وينه  ورکړل شي او که چېرې  کولمې يې سورۍ شوي وي . د انتي بيوتيک سره په څنګ کې  بايد  جراحي  درملنه هم و شي.دشديدThrombocytopenia لپاره بايد دمويه  صفحات ورکړل شي.

رنځور يار دوکتور  ظفر خان  دخوست تخصصي روغتون

نظرات (0 نوشته شد)

مجموعه نتایج: | نمایش:

نظر خود را بنویسید

لطفا کد امنیتی را وارد کنید:

Captcha