د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
په ( ٢٠٢۴ م کال کې کابل د اسلامی ثقافتت پلازمېنه ) عالی کمېسیون د محمد طاهرزهیر په مشرۍ غونډه وکړه
د اطلاعاتواوفرهنګ وزارت د سرپرست محمد طاهر زهیر په مشرۍ پرون ( کابل په ٢٠٢۴ میلادی کال کې د اسلامی ثقافت پلازمېنه) دعالی کمېسیون غونډه جوړه شوه . د اطلاعاتو او فرهنګ وزارت سرپرست په دې غونډه کې وویل، چې کابل په ٢٠٢۴ میلادی کال کې د اسلامی فرهنګ پلازمېنه ده، چې په دې برخه کې باید د ملی اجندا په توګه کار وشی . ده زیاته کړه: افغانستان د فرهنګی او تمدنی میراثونو ګنجینه او ذخیره ده اوموږ د تمدنی اوتاریخی لرغونتیا پنځه زره کلن میراث لرو. دغه راز د اطلاعاتواوفرهنګ وزارت سرپرست له ټولو اړوندو بنسټونو وغوښتل ،چې په ٢٠٢۴ م کال کې د کابل د تیاریو په اړه د اطلاعاتواوفرهنګ وزارت تر څنګ مسوولانه او په همغږى سره کار وکړی .وروسته صاحب نظر مرادی په ٢٠٢۴ میلادی کال کې د اسلامی فرهنګ د پایتخت په توګه د کابل د کاری پلان د طرحې په اړه معلومات ورکړل او د کمېسیون غړو د دغې طرحې د موادو په باب خپلې نظریې او پیشنهادونه وړاندې کړل . دغه راز هغوى هغه فعالیتونه، چې د دوى اړوند بنسټونه یې په دې مناسبت ترسره کولاى شی بیان کړل او د خپلو زیاتو همکاریو