روزنامه هیواد
ریاست روزنامه های دولتی افغانستان

په ایران او هندکې د کورونا تازه څپو اندېښنې ډېر کړی

په ایران او هند کې د کورونا تازه څپو ګواښونه ډېر کړی دی.د رسنیو د راپورونو له مخې په ایران کې هره ورځ تر ۳۰۰ ډېر کسان د کورونا له امله مړه کېږی. د وروستیو معلوماتو له مخې،وړمه ورځ په ایران کې کورونا ناروغۍ ۳۸۰ کسان مړه کړی دی.سرچینې وایی، چې ایرانی حکومت د مړو شویو کسانو رېښتینې شمېره پټوی.دوی وایی:  په ایران کې په ورځ د کورونا له امله د مړو شویو شمېره تر ۶۰۰ هم لوړه ده.بل لورته بیا په هند کې هم د کورونا تازه څپې اندېښنې زیاتې کړې دی.هندۍ رسنۍ وایی:  تازه وړمه ورځ تر ۳۵۰ زره ډېرې مثبتې پېښې په هغه هېواد کې ثبت شوې دی.سرچینې وایی، کورونا په هغه هېواد کې په بېسارې توګه د پراختیا په حال کې ده.د رسنیو د معلوماتو له مخې د پېښو د زیاتوالی له امله په هند کې ډېری روغتونونه د توکو او اکسیجن له کمښت سره مخ دی. رسنۍ وایی: په روغتونونو کې ځای نشته، اکسیجن ناروغانو ته نه رسېږی او د مړو سوځولو چارو ته رسیدګی سخته شوې ده

ممکن است شما دوست داشته باشید