روزنامه هیواد

په اندونیزیا او ختیځ تېمور کې د اورښتونو له امله ۷۰ کسان مړه شوی

په اندونیزیا او ختیځ تېمور کې د سختو اورښتونو له امله ۷۰ کسان مړه او په لسګونه نور کسان ورک شوی دی.چارواکو پرون وویل: بارانونه په ختیځ تېمور او د اندونیزیا په اړوندوسیمو کې د سېلابونو د راوتلو او مځکې ښویېدو سبب شوی.وروسته له هغې، چې د اندونیزیا د اډونارا ټاپو په لامینیلی کلی کې پر کورونو له یوې غونډۍ خټې وښویېدې، ژغورندویې ډلې وتوانېدې ۳۸ مړی راوباسی.د طبیعی پېښو پر وړاندې د مبارزې محلی چارواکو وېیلی، لږ تر لږه ۵ کسان ټپیان شوی .بل‌خوا په اندونیزیا کې د طبیعی پېښو پر وړاندې د مبارزې ملی ادارې وېیلی، د هغه هېواد په نورو برخو کې هم سېلابونو ۱۷ کسان مړه کړی او ۴۲ کسان لادرکه دی.د دغې ادارې پر وینا د ۵۵ کسانو مړینه لوړ شمېر دی او ښایی دا شمېر بدل شی. دغه اداره وایی: ۴۲ نور کسان لا موندل شوی نه‌دی.دغه‌راز په ختیځ تېمور کې ،چې د اندونیزیا او اسټرالیا ترمنځ پروت هېواد دی، ۱۶ کسان مړه شوی.

ممکن است شما دوست داشته باشید