د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
ولسمشر غنی : افغان حکومت د جینوا کنفرانس تړون ته ژمن دی
د افغانستان د اسلامی جمهوریت جمهوررییس محمداشرف غنی وړم ماښام د افغانستان لپاره د ملګرو ملتونو له ځانګړې استازې دیبورا لاینس سره وکتل.په دغه کتنه کې چې په ارګ کې وشوه، د جینوا کنفرانس د بریالی ترسره کېدو او د یاد کنفرانس په سند کې د افغانستان حکومت د تعهداتو د څرنګوالی په اړه، چې د مېکانېزم پر اساس وکولای شی هغه د برابرشوی تقویم مطابق عملی کړی، خبرې وشوې.همدا راز دواړو لوریو د سولې پروسې او د ملګرو ملتونو بېلابېلو ادارو کې د اصلاحاتو په اړه چې په افغانستان کې فعالیت لری، بحث او خبرې وکړې.