ولسمشرمحمد اشرف غنی: د مېرمنو د ټولنو تولیداتو ته پنځه سلنه ترجیح ورکول کېږی

د افغانستان د اسلامی جمهوریت جمهوررییس محمداشرف غنی کندهار ولایت ته د خپل سفر په په دویمه ورځ د کندهار ولایت له یو شمېر ښځو سره په کتنه کې، په بېلابېلو برخو کې د هغوی ستونزې او وړاندیزونه واوریدل.په پیل کې د کندهار ولایت د ښځو چارو رییسې رقیه اڅکزۍ او آغلې فرزانې ظفری او د نورو په استازیتوب خبرې وکړې او  د روغتیایی خدمتونو د کمبود، د درملو د کیفیت د ټیټوالی، زده کړو، په دولتی ادارو کې ښځو ته د لازیاتې ونډې ورکولو، په نړیوال مارکېټ کې د ښځو لاسی صنایعو ته د زمینې برابرولو او د دندو د اجرا پر مهال د ښځو  د خوندیتوب او امنیت د ټینګښت په برخو کې یې خپلې ستونزې او وړاندیزونه له  جمهوررییس سره شریک کړل.جمهوررییس غنی د یادو ویناوالو د خبرو له اوریدو وروسته وویل: د افغانستان مېرمنې په ځانګړی ډول د کندهار ښځې ټول افغانستان او نړۍ ته دا واضح پیغام لری ، چې دوی بنیادی، اساسی او تلپایه بدلون او حقوق غواړی او په عین حال کې خپل وجایب پوره کوی.جمهوررییس  د ښځو د لاسی صنایعو ستونزې د حل په برخه کې د صعنت او سوداګرۍ وزارت ته لارښوونه وکړه ،چې  له هېواده بهر دې د افغانستان ټولو سوداګریزو  اتشو سره دې د کندهار  ولایت د ښځو د لاسی صنایعو لپاره یو خاص واحد جوړ  او په دې برخه کې دې اقدام وکړی . جمهوررییس د کندهار ښځو ته د تولیدی اتحادیو پر جوړولو ټینګار وکړ او وې ویل:  په ملی تدارکاتو کې به د ښځو د اتحادیو تولیداتو ته د نارینه و د اتحادیو په پرتله پنځه سلنه ترجیح ورکړل شی.د هېواد جمهوررییس د ښځو روغتیایی خدمتونو ته د لاسرسی په برخه کې وویل: په دې برخه کې ځینې اقدامات شوی ولی کافی نه دی، خو  ژر به د عینو مېنې په روغتون  کې د ښځو لپاره ۱۰۰ بستره ځانګړی شی.