د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
طالبانو په کاپیسا کې پل او سړک په بمونو الوځولی
د کاپیسا ځایی اوسیدونکی وایی، چې وسلوالو طالبانو وړمه ورځ د کاپیسا په مرکز کې یو پل او سړک په بمونو الوځولی دی.ځایی چارواکی زیاتوی، چې طالبان په سوله باور نه لری او هره ورځ د هېواد په بېلا بېلو ولایتونو کې عامه تاسیسات ویجاړوی او خلک له ستونزو سره مخ کوی.په ورته مهال کې د کاپیسا ځایی اوسیدونکو دطالبانو یاده کړنه غندلې او وایی، چې د طالبانو له لوری د ښوونځی، روغتون، سړک او د پلونوویجاړول جنګی جنایت دی اونه بښوونکی عمل بللی او له طالبانو یې غوښتنه کړې، چې د ولسی وګړو او عامه ځایونو له ورانولو څخه لاس واخلئ.