روزنامه هیواد

طالبانو بزګرانو ته امر کړى چې پر خپلو ځمکو کوکنار وکری

د کورنیو چارو وزارت وایی، طالبانو بزګرانو ته امر کړى چې د کوکنارو کرکىله زىاته کړی او دوى ىې د محافظت ضمانت کوی.د افغانستان په ګرمو سىمو کې د کوکنارو نېښ وهلو اول فصل پاى ته رسېدلى، خو د دغو ولاىتونو د محلی چارواکو د څرګندونو پر اساس، سږ کال دوى ته مرکزی ادارې د کوکنارو د کښت اړولو لپاره هېڅ پلان نه دى ورکړى، ځکه نو د پام وړ مځکې د کوکنارو له بوټو څخه نه دی پاکې شوې او د کوکنارو حاصلات خورا زىات وو.د کورنىو چارو وزارت وىاند نصرت رحىمی وایی: (( دښمن تر خپل واک لاندې سىمو کې خلکو ته امر کړى چې په خپلو مځکو کې کوکنار وکری او نېشه ىی مواد تولىد کړی، په دې اساس د افغان نظامی ځواکونو پالیسی داده چې د دښمن عاىداتی سر چىنې په نښه او وچې کړی.))ښاغلی رحمی زیاته کړه: ((په روان شمسی کال کې زموږ پلان دا دى چې د دښمن د مرکزونو او مشرانو ترڅنګ، د نېشه یی موادو د جوړولو هغه کارخانې هم وېجاړی کړو چې طالبانو ته ىې ګټه رسېږی.))د افغانستان د بىارغونې د څار د امرىکایی بنسټ ىا سىګار مشر جان سوپکو په خپلو تازه څرګندونو کې وىلی چې نېشه یی مواد له هغو درېـىو مهمو ستونزو څخه ګڼل کېږی چې د افغانستان امنىت او اقتصاد ىې له ګواښ سره مخ کړی دی.په وروستىو کې د افغانستان ځانګړی امنىتی ځواک  د مځکې له لارې او هوایی قواوو، په فراه، هلمند او نىمروز کې د نېشی توکو څو کارخونې او مارکېټونه په بشپړ ډول وىجاړ کړل. افغان امنىتی ځواک وایی، د طالبانو د عاىد لوىه سرچىنه د کوکنارو مارکېټ، کارخانې او تولید دى او که دا سرچىنه وچه شی، طالبان به د جګړې له دوامه لاس واخلی.

ممکن است شما دوست داشته باشید