روزنامه هیواد

د سولې پروسې په اړه د بهرنیو سفیرانو سره د سولې وزارت خبرې

د سولې په چارو کې د افغانستان دولت وزارت وایی: د سولې د پروسې په اړه‌یې په کابل کې د مېشتو بهرنیو سفیرانو سره خبرې کړې دی.د سولې په چارو کې د افغان دولت وزیر عبدالسلام رحیمی وړم مازدیګر د وېډیو کنفرانس له لارې د افغانستان لپاره د اروپایی ټولنې له ځانګړی استازی رولاند کوبیا، د افغانستان لپاره د ناروې له ځانګړی استازی پیر البرټ الساس، د افغانستان او پاکستان لپاره د برېتانیا له ځانګړی استازی ګرېټ بېلی، د افغانستان لپاره د جرمنی له ځانګړی استازی مارکُس پوتزل او یو شمېر نورو اروپایی چارواکو سره خبرې کړی.ښاغلی رحیمی د افغانستان د سولې لپاره د نړیوالې ټولنې اجماع او د اروپایی ټولنې رول ډېر مهم بللی دی.اخوا د افغانستان لپاره د اروپایی ټولنې ځانګړی استازی رولانډ کوبیا په ټویټر باندې لیکلی، چې د روژې میاشت باید د سولې میاشت وی، نه دا چې جګړه زور واخلی.ده ویلی ،چې په یوه اوونۍ کې ۶۶ ملکیان مړه او ټپیان شوی او اروپایی ټولنه د دغو پېښو د غندلو ترڅنګ د یوه بشردوستانه اوربند د تأمین غوښتنه کوی.

ممکن است شما دوست داشته باشید