د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
د سارک په هنری فیستیوال کې د افغان انځورګر هنری آثار
د هند په پلازمینه نوی ډېلی کې د اکټوبر میاشتې له څلورمې تر اوومې نیټې د سارک یا د سویل لویدیځې آسیا د همکاریو سازمان د ادبیاتو او هنری آثارو څلور ورځنىى نندارتون پرانیستل شوی و. په دې نندارتون کې د سارک سازمان د غړو هېوادونو هنرمندانو خپل مختلف هنری آثار نندارې ته وړاندې کړل. له افغانستان څخه هم په دې فیستیوال کې افغان انځورګر او هنرمند اومان نیازی له خپلو هنری آثارو سره اشتراک کړى دى.
اومان نیازی امریکا غږ ته په ځانګړې مرکه کې وویل:په دې نندارتون کې یې خپل ۲۳ هنری اثره نندارې ته ایښی وو. دى ځانګړى هنری سبک لری او د غنمو له پلالې ( ډنډر) څخه د افغانستان د وتلو څېرو تاریخی محلاتو او د طبیعت انځورونه جوړوی. ښاغلى نیازى وایی: دده له هنری آثارو څخه د سارک د ادبیاتو او هنر په نندارتون کې تود هرکلى شوى دى. نوموړى وایی: اوسمهال خبرې د سیاست، سپورت او هنر له لارې کېږی.