روزنامه هیواد

د خوست ولایت د چاپېریال ساتنې ریاست د ځاځی میدان څخه چاپېریال لیدنه ترسره کړه

د ځاځی میدان ولسوالۍ په دنګو ونو او پراخو ځنګلونو پوښل شوې ده، چې طبیعی ښکلا، پاکه هوا او زړه راښکونکې منظرې یې د تل لپاره خاطره وی، د یادې ولسوالۍ په ځنګلونو کې د ونو مختلف ډولونه لکه: ګورګورې، څیړۍ، زیتون ، مزری، ماموڼی، شیروان، زوڼونی، پلوڅې او داسې نورې … پیدا کیږی، وحشی ژوی لکه : لکه لیوان، پړانګان، ګیدړان او شغالان، شکوڼ، خنزیز، یګه او هوسۍ هم په کې ژوند کوی، الوتونکی یې هم د یادولو وړ دی لکه : زرکې، توریان، شنې کوترې، کارغان او اصل او کچه بازان.

له نیکه مرغه د ځاځی میدان ولسوالۍ باتورو خلکو قومی شورا جوړه کړې ده چې له مخې یې هېڅوک د ځنګلونو د وهلو حق نه لری، که څوک د دې تړون خلاف کار کوی جریمه کیږی او حتا له کلی څخه شړل کیږی؛ چې د دوی دا کار د ستایلو دی؛ خو هغه سیمې چې نا امنه او له پاکستان سره په سرحد کې پرتې دی په ډیره بې رحمۍ سره ځنګلونه وهل کیږی.
په ځاځی میدان ولسوالۍ کې لاندې دوې سیمې د ملی پارک او ساتل شویو سیمو لپاره وړ ځایونه دی.
* مندتۍ سیمه.
* بوډۍ سیمه.

منبع: صفحه فیسبوک اداره ملی حفاظت محیط زیست

ممکن است شما دوست داشته باشید