د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
جمهور رییس غنی په خپل لګښت په لوګر کې ښوونځى جوړوی
د افغانستان د اسلامی جمهورىت جمهوررییس محمداشرف غنی د پوهنې دکال په خاطر د لوګر محمداغې ولسوالۍ په سرخاب کلی کې د ىوه ښوونځې د جوړولو لګښت ومانه. په دې اړه وړمه ورځ له غرمې مخکې په ارګ کې جوړو شوىو مراسمو کې لومړى د پاىتخت زون د پراختىا خپلواکې ادارې سرپرست فرهاد جلالزی د ىاد ښوونځی په اړه چې ۶،۳ مىلىونو افغانۍ لګښت پرې راځی، معلومات ورکړل.وروسته جمهوررییس دمالىې وزارت معیىن خالد پاىنده ته د ذکر شوی ښوونځی د جوړولو پىسې تسلىم کړې او وې وىل: سږکال د پوهنې کال دى او هىله لرم دغه پىسې چې ما د دې ښوونځی د جوړولو په خاطر ورکړې د هر افغان لپاره چې د ښوونځىو او پوهنتونو د جوړولو توان لری، ىوه بېلګه واوسی.هغه له ټولو والىانو او ښاروالانو وغوښتل چې د پوهنې کال د عملی کولو په خاطر د ښوونځىو جوړولو عمومی حشر پىل کړی او دغه راز ىې له هغو وطنوالو څخه مننه وکړه چې د ښوونځىو جوړولو لپاره خپلې مځکې ورکوی.د هېواد جمهوررییس د خپلو خبرو په پاى کې ووىل: موږ باىد د ښوونځىو په جوړولو کې اغېزناک ودانیز مىتودونه او محىطی شراىط په پام کې ونىسو. هغه اړوندو مسوولىنو ته لارښوونه وکړه چې دغه ښوونځى د شهىد حشمت کرزی په نوم ونوموی.