روزنامه هیواد

جمهوررییس غنی د درېـیو ولایتونو وضعیت وارزاوه

د افغانستان د اسلامی جمهوریت جمهوررییس محمد اشرف غنی له والیانو سره د کتنو په دوام، د ښې حکومتولۍ او خلکو ته د غوره خدمتونو وړاندې کولو په اړه پرون د نورستان، خوست او لوګر د والیانو راپورونه واورېدل.په دغو کتنو کې چې په ارګ کې شوې، د سیمه ییزو ارګانونو خپلواکې ادارې عمومی رییس عبدالمتین بېګ هم حضور درلود. د نورستان والی حافظ عبدالقیوم، د خوست والی محمد حلیم فدایی او د لوګر والی انورخان اسحاقزی د خپلو اړوندو ولایتونو  د پلانونو او پروژو د تطبیق راپورونو ترڅنګ، د خپلو ولایتونو غوښتنې او وړاندیزونه جمهوررییس سره شریک کړل.جمهوررییس غنی د والیانو د راپورونو تر اورېدو وروسته د یادو ولایتونو اقتصادی وضعیت وارزاوه او وې ویل: لومړنی کار چې باید و شی د پروژو د تطبیق لپاره د  بودجې او سرچینو ځانګړی کول دی.جمهوررییس زیاته کړه: د بودجې او امکاناتو د تخصیص لومړیتوب  لپاره اړتیا ده ، چې جمهوری ریاست د والیانو لیدلوری ولری.جمهوررییس همداراز د امنیت او ثبات د تامین او د ټولنیزو مسایلو په برخه کې د یادو والیانو لیدلوری واورېد او د امنیت دتامین، خلکو ته د غوره خدمتونو وړاندې کولو او انکشافی پروژو د تطبیق په برخو کې یې هغوی ته لازمې لارښوونې
وکړې.

ممکن است شما دوست داشته باشید