د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
جمهوررییس غنی د بهرنیو چارو وزارت د مرستیالانو اصلاحی طرحې واورېدې
د افغانستان د اسلامی جمهوریت جمهوررییس محمد اشرف غنی وړم ماښام د بهرنیو چارو وزارت د سیاسی، منابعو او د اداری او اقتصادی چارو له مرستیالانو سره جلا جلا وکتل.
په دغو کتنو کې ،چې په ارګ کې و شوې، د بهرنیو چارو وزارت مرستیالانو په یاد وزارت کې د اصلاحاتو راوستو په اړه خپلې اصلاحی طرحې جمهوررییس ته تشریح کړې.جمهوررییس غنی د بهرنیو چارو وزارت د مرستیالانو د اصلاحی طرحو له وړاندې کولو مننه وکړه وې ویل: دغه طرحې په مفصل ډول مطالعه کېږی او ډېر ژر به د بهرنیو چارو وزارت له مرستیالانو سره په ګډه غونډه کې په دغه وزارت کې د اصلاحاتو بهیر د چټکتیا په اړه جدی تصامیم ونیول شی او لازمې لارښوونې به وشی.