روزنامه هیواد

ترکیې په افغانستان کې د بېړنی اوربند غوښتنه کړې

 د ترکیې د بهرنیو چارو وزارت په تازه خپره کړې خبرپاڼه کې په غزنی کې د وړمې ورځې برید په کلکو ټکو غندلی او په افغانستان کې یې وروستی تاوتریخوالی زړه بوږنوونکی بللی دی.د ترکیې د بهرنیو چارو وزارت وایی، چې په افغانستان کې د روانې جګړې د ژر درېدو، تاوتریخوالی د کمولو او بېړنی اوربند اړتیا ده.یاد هېواد هیله څرګنده کړې، چې طالبان او افغان حکومت وکړی شی ژر تر ژره دایمی اوربند ته سره ورسېږی.ترکیې تر دې وړاندې هم ژمنه کړې ،چې د افغان سولې له بهیر سره بشپړ همکار دی او ملاتړ یې کوی.

ممکن است شما دوست داشته باشید