روزنامه اصلاح

همکاری‌های افغانستان و تاجیکستان ادامه می‌یابد

داکترعبدالله عبدالله رییس اجراییه‌ی جمهوری اسلامی افغانستان، روز گذشته با شرف‌الدین امام، سفیر جمهوری تاجیکستان در دفترکارش در قصر سپیدار ملاقات کرد.

در این ملاقات سفیر جمهوری تاجیکستان در باره‌ی روابط دوجانبه و همکاری‌های مشترک میان دو کشور به رییس اجراییه معلومات داد و آمادگی کشورش را در بخش فراهم سازی برق بیش‌تر برای افغانستان ابراز داشت.

رییس اجراییه روابط میان دو کشور را دوستانه خواند و از همکار‌ی‌های تاجیکستان قدردانی کرد. رییس اجراییه ابراز امیدواری نمود که میزان همکاری و دادوستد تجارتی میان دو کشور افزایش یابد.

در این نشست مبارزه با دهشت‌افگنی و راه‌های موثر همکاری مرزی برای جلوگیری از قاچاق مواد مخدر نیز مورد بحث قرار گرفت.

 

ممکن است شما دوست داشته باشید