روزنامه اصلاح

د کورنیو چارو وزارت: دلاور چې ځان مشاور بولی د تروریستی فعالیتونو په تور نیول شوی

د افغانستان د کورنیو چارو وزارت وایی، داسې یو کس چې ځان د مشرانو جرګې د رئیس سلاکار معرفی کوی په کابل ښار کې له تروریستانو سره د همکارۍ په تور نیولی دی.

د دغه وزارت ویاند نصرت رحیمی د جمعې په ورځ د «غبرګولې پر ۳مه» رسنیو ته په لېږلی پیغام کې ویلی، نیول شوی کس چې حاجی دلاور نومېږی تېره ورځ له غیر قانونی وسلو، جعلی اسنادو او پلېټونو، ۷ سوه زره پاکستانیو کلدارو او د یو زرهی په ګډون دوو موټرو سره نیول شوی دی.

ښاغلی رحیمی ویلی:”هغه تروریستانو او تروریستی شبکو ته له پاکستان څخه چاودېدونکی او نغدی پیسې راانتقالولې او له یوې سیمې څخه بلې ته یې انتحاریان انتقالول چې تېره ورځ د کابل ښار په ۱۲مه امنیتی حوزه کې ونیول شو.”

د کورنیو چارو وزارت د نیول شوی شخص د پیژندګلوی او د ملی شورا په پارکېنګ کې د موټر درولو د ځانګړو کارټونو په خپرولو سره ویلی، چې نوموړی د مشرانو جرګې د رئیس سلاکار دی.

بیان وایی، چې نیول شوی کس له تروریستانو څخه په ملاتړ او ساتلو تورن دی.

د کورنیو چارو وزارت همدارنګه ویلی، چې له حاجی دلاور سره یې د پاکستان تابعیت کارټونه هم نیولی چې په دغو شناختی کارډونو کې د نوموړی نوم «جاوید خان» ذکر شوی دی.

نصرت رحیمی ویلی:”یو کال مخکې امنیتی ځواکونو د جلال اباد ښار په یو چک پانیټ کې د حاجی دلاور یو لنډکروزر موټر درولی و چې د یاد موټر تورې ښښې یې پاکولې په دا سبا پر هغه سرتېری چې د حاجی دلاور د موټر تورې ښښې پاکولې، چاودنه کېږی چې دغه سرتېری یې وواژه او یو شمېر نور یې ټپیان کړل.”

د کورنیو چارو وزارت ویاند نصرت رحیمی ټینګار کړی چې د کورنیو چارو وزارت کره اطلاعات ښیی چې دغه چاودنه حاجی دلاور پلان کړې وه.

ممکن است شما دوست داشته باشید