روزنامه اصلاح

د هېواد په کچه د ګوزڼ واکسین کمپاین پیل شو

د افغانستان د اسلامی جمهوریت د عامې روغتیا وزارت، د یونیسف او نړیوال روغتیا سازمان په همکارۍ ۱۴۰۰ لمریز کال کې په ټول هېواد کې د ګوزڼ واکسین کمپاین پیل کړ. ټاکل شوې ده چې په دې کمپاین کې د ۵ کلونو څخه کم عمره ۹.۶ ملیونه ماشومان واکسین شی او همدارنګه د شپږو میاشتو څخه تر۵۹ میاشتو پورې ماشومانو لپاره به ویټامین A ورکړل شی.
د عامې روغتیا سرپرست وزیر ډاکټر وحید مجروح، د دې کمپاین هدف په هېواد کې د ګوزڼ ویروس له مینځه وړل وبلل او وې ویل: سربېر پر دې چې د ګوزڼ د له مینځه وړلو لپاره هڅې په شدت سره دوام لری، مګر د هېواد په ځینو سیمو کې د ګوزڼ واکسین د کور په کور پلی کولو برخه کې مخالفتونه په هېواد کې د ګوزڼ ویروس پر وړاندې د ماشومانو د معافیتی تشې د رامنځته کېدو سبب شوې دی.
د عامې روغتیا وزارت سرپرست د هېواد په ځینو سیمو کې د مخالفینو لخوا د ګوزڼ واکسین د پلی کولو په برخه کې اندېښنه څرګنده کړه او زیاته یې کړه: په هر پړاو یا دوره کې په هېواد کې شاوخوا درې ملیونه ماشومان د ګوزڼ واکسین له ترلاسه کولو څخه محروم شوی دی چې دا چاره په هېواد کې د ګوزڼ پېښو د زیاتېدو باعث شوئ دی.
ډاکټر مجروح د عامې روغتیا وزارت یو بې پرې او غیر سیاسی اداره وبلله او په مخالفینو یې غږ وکړ چې د پولیو د واکسین په پلی کولو کې دې وزارت سره همکاری وکړی او هغه ماشومانو چې د دوی د ممانعت له امله د ګوزڼ واکسین له ترلاسه کولو څخه محروم شوی دی اجازه دې ورکړی ترڅو دوی واکسین شی.
دغه راز ډاکټر مجروح د کورونا ویروس بحران په جریان کې له پاکستان څخه دغه هېواد ته د ګوزڼ د دوهم ډول ویروس د خپرېدو یادونه هم وکړه او زیاته یې کړه چې تېر کال د ګوزڼ ویروس۳۱۰ نوی ډولونه او د دغه ویروس ۵۶ لومړی ډول راپور شوی او په روان کال کې ۱ پېښه د لومړی ډول او ۲۳ پېښې د دویم ډول ثبت شوې دی.
د عامې روغتیا سرپرست وزیر د ګوزڼ په برخه کې شته ننګونو ته په اشارې سره وویل: چې په دې وروستیو کې د جمهوری ریاست د عالی مقام، د روغتیا د نړیوال سازمان او یونیسف تر منځ د دوه اړخیزې حساب ورکونې په اړه همغږی رامینځته شوې او د دې همغږۍ د لا پیاوړتیا لپاره هڅې روانې دی.
په افغانستان کې د نړیوال روغتیا سازمان استازی ډاکټر ډاویډ لای وویل ، “د ماشومانو لپاره واکسین او نور لومړنی روغتیایی خدمتونه د ګوزڼ او نورو ناروغیو خپرېدو د مخنیوی یوازینۍ لار ده.” ټولې ښکېلې خواوې باید د روغتیایی خدمتونو بې پرې والی ته درناوی وکړی. د روغتیا نړیوال سازمان ژمن دی چې د پولیو واکسین تطبیق او د ویروس په له منځه وړلو کې د افغانستان له روغتیا سکتور سره مرسته وکړی.
په افغانستان کې د یونیسف استازې مېرمن آلیس اکنګا، په افغانستان کې د ګوزڼ واکسین په پلی کولو کې د دې ادارې پر همکارۍ ټینګار وکړ او زیاته یې کړه چې د ګوزڼ د کمپاین په پلی کولو سره نه یوازې ماشومان د ګوزڼ پرضد واکسین کېږی، بلکې د دوی د بدن د معافیت د پیاوړتیا لپاره لپاره دوی ته ویټامین A هم ورکول کېږی.
اوسمهال افغانستان او پاکستان یواځنی دوه هېوادونه دی چې ګوزڼ سرایت پکې موجود دی.

ممکن است شما دوست داشته باشید