روزنامه اصلاح

جمهور رئیس غنی په کابل کې د ریشخور معیاری او مـدرن مسلخ پرانـیست

د افغانستان د اسلامی جمهوریت جمهوررئیس محمد اشرف غنی د کابل په ریشخوروکې د کرنې او مالدارۍ د وزیر او د کابینې د یو شمېر نورو غړو او دولتی مقاماتو په حضور کې  لومړنی معیاری مسلخ د پټۍ په پرې کولو سره پرانیست. جمهور رئیس د دغه مسلخ د پرانیستې پرمهال د کرنې وزارت مسوولینو او کارکوونکو ته د مبارکی  ترڅنګ د مسلخ د بېلابېلو برخو د لیدنې پرمهال د کرنې او مالدارۍ وزیر نصیراحمد درانی جمهور رئیس ته په هغه اړه معلومات ورکړل.  

 جمهور رئیس غنی وویل، دغه مسلخ خلکو ته د دوامداره کاری زمینو د برابرولو ترڅنګ په یوه شفټ کې د ۵۰۰ پسونو او سل غوایانو د حلالولو او تر شپږ میاشتو پورې د غوښې د ساتلو ظرفیت لری.

جمهور رئیس وویل، په دغه مسلخ کې په اسلامی طریقه حلاله کېږی. هغه زیاته کړه،ریشخور مسلخ به له روغتیایی، محیطی او اقتصادی پلوه امنیتی او دفاعی ځواکونو، بېلابېلو ادارو او هوټلونو ته اعتباری غوښه برابره کړی.

د اسیا پراختیایی بانک په مالی مرسته دغه جوړ شوی مسلخ طبی معاینه، قطن، د بسته بندۍ مرکز، لابراتوار، مالی او اداری برخه، د اوبو پاکولو کارخانه، د بېلابېل ظرفیت لرونکې اته سړې خونې او د پېرېدونکو د خدماتو برخې لری. ریشخور مسلخ ۲۴۰۰ کسانو ته دوامدار کاری فرصتونه برابروی او یوازې د کال په یوی کاری نوبت کې د یو میلیون کسانو د غوښې اړتیاوې پوره کوی.

ممکن است شما دوست داشته باشید