روزنامه اصلاح

امریکا افغان پوځ ته ۴۵۰هاموی ټانکونه،۸۰میلیونه مرمۍ او دوربینونه وسپارل

د افغانستان د دفاع وزارت مرستیال شاه محمود میاخېل وایی، د قاطع ملاتړ ماموریت افغان ځواکونو ته ۴۵۰ هاموی ټانکونه او ۸۰ میلیونه مرمۍ وسپارلې.
ښاغلی میاخېل پر خپل ټویټر پاڼه لیکلی چې د نړیوالو ځواکونو دقاطع ملاتړ CSTC-A ادارې لخوا افغان ځواکونو ته سپارل شوو تجهیزاتو کې د شپې دوربیونونه هم شامل دی.
د هغه د معلوماتو په اساس یاد پوځی تجهزات په کندهار او کابل کې د نړیوالو ځواکونو لخوا د افغانستان دفاع وزارت ته سپارل شوی دی.
نوموړی په دې اړه زیاته کړې:”دقاطع ملاتړ CSTC-A ادارې تقریبا ۴۵۰ نوې هاموی،۸۰میلیونه مرمې، دشپې دروبینونه او نور تجهیزات دملی دفاع وزارت ته په کابل او کندهار کې وسپارل.”
د روان زېږدیز کال په ترڅ کې امریکا د هېواد له افغانستان ملی پوځ سره ۱۳۸۳ هاموې، ۱۰ هلیکوپتره او ۴ A-29 جنګی جیټ الوتکې مرستې کړې دی.
د افغانستان دفاع وزارت د معلوماتو په اساس امریکا تیر کال د ۵۷۴ میلیون ډالرو په ارزښت تجهیزات له افغان حکومت او امنیتی ځواکونو سره مرسته کړې ده او د ۱۰۲ میلیونه ډالرو په ارزښت تجهیزات به په راتلونکی کال کې مرسته وکړی.
د اعلامیې له مخې په افغانستان کې د غوڅ ملاتړ ماموریت یو قوماندان جنرال ډیډریک ویلی:”د دفاعی او امنیتی ځواکونو ساتل او پیاوړتیا په افغانستان کې د سولې او ارامتیا د ټینګښت په موخه ځانګړی ارزښت لری.”
دغه امریکایی جنرال ټینګار ګړی چې له افغان دفاعی او امنیتی ځواکونو سره به د امریکا متحده ایالاتو مرستې او همکاری دوام ولری.

ممکن است شما دوست داشته باشید