روزنامه ملی انیس

د ۵۰۰ مېلیونو ډالرو په لګښت د دهلی بند، رغول کېږی

د اوبو او انرژۍ او د آسیایی بانک له لورې د پنځو سوو مېلیونو امریکایی ډالرو په لګښت د قندهار ولایت د دهلی بند رغول کېږی.

د باختر اژانس د سیمه یېز  خبریال د خبر له مخې؛ د قندهار د دهلی د بند د پراختیا او استملاک په مشورتی غونډه کې وویل شول چې، د یاد لګښت په مټ به د دغه بند ارتفاع  له اتو څخه تر دولسو مترو پورې لوړ ېږی.

سرچینه زیاتوی چې  په دې غونډه کې د دهلی بند رغول د ټول قندهار لپاره او په ځانګړی ډول د هغو اوو ولسوالیو لپاره ګټور وبلل شول چې، د دغه بند څخه اوبه ترلاسه کوی.

په جوړه شوې غونډه کې د سیمې له اوسیدونکو څخه هم وغوښتل شول چې د دغې حیاتی پروژې په پلی کولو کې  له دولت سره همکاری  وکړی.

د دهلې بند ۶۵ کاله وړاندې د قندهار ښار شمال شرق لوری ته د ۴٠ کیلومترو په واټن په شاه ولیکوټ ولسوالۍ کې د ارغنداب پر سیند جوړ شوى، چې د تېرو درې لسیزو جنګ جګړو او د نه پاملرنې له امله یې یو شمېر برخې ویجاړې شوې وې.

ممکن است شما دوست داشته باشید