روزنامه ملی انیس

اولین جلسه شورای عالی رهبری تصدی ملی محافظت عامه برگزار شد

نخستین جلسه‌ شورای عالی رهبری تصدی ملی محافظت عامه تحت ریاست داکتر حمدالله محب مشاور امنیت ملی دولت جمهوری اسلامی‌افغانستان برگزار شد.
در آغاز ارزیابی‌های دفتر شورای امنیت ملی در مورد چگونگی وضعیت تشکیل، بودجه، دارایی‌ها، وسایط، امکانات و مشکلات تصدی، در کنار راه‌حل‌ها و پیشنهادها ارایه شد.
در این نشست به منظور بهبود وضعیت تصدی، پیشنهاد تشکیل، بودجه و پلان مالی ارایه و تصویب گردید.
در پایان داکتر حمدالله محب، مشاور امنیت ملی دولت جمهوری اسلامی‌افغانستان، با جمع‌بندی نشست، سفارش‌ها و هدایت‌های لازمی‌اش را برای اعضای جلسه، به منظور تقویت تصدی ملی محافظت عامه تشریح کرد و گفت که این تصدی، باید مانند یک نهاد مهم محافظتی، به شکل بهتر کار کند.

ممکن است شما دوست داشته باشید