انافی بنسټ د ملی نګارستان او هنرستان له ریاستونو سره همکاری کوی

 دزیات عمر لرونکو د روزنې لپاره دافغانانو ملی بنسټ  انافی د اطلاعاتو اوفرهنګ وزارت  دملی نګارستان او هنرستان له ریاستونو سره په  بېلابېلو  برخو کې همکاری کوی .

  په همدې مقصد دهمکارۍ تفاهم لیکونه دهنرستان رییس محمد هاشم شارق او د ملی نګارستان د آمرې صابرې رحمانی دزیات عمر لرونکو د روزنې لپاره دافغانانو د ملی بنسټ له رئیس عبدالبشېر  خالقی سره په داسې حال کې ، چې داطلاعاتو او فرهنګ وزارت د فرهنګ او هنر معیین پوهاند محمد رسول باوری  حاضر و  لاسلیک کړل.

 د زیات عمر لرونکو کسانو د روزنې لپاره د افغانانو د ملی بنسټ رئیس د دغوتفاهم لیکونو دلاسلیک کولو په  وخت کې وویل: دغه بنسټ د مناسبتی نندارتونونو دجشنونو په جوړولو، دخطاطۍ ،  رسامۍ اودظرفیتونو دلوړولو په برخه کې دروزنیزو ورکشاپونو د جوړولو له لارې د اطلاعاتو او فرهننګ وزارت د ملی نګارستان  او هنرستان له کارکوونکو سره همکاری کوی او د دغو  بنسټونو له کارکوونکو سره دانګلیسی ژبې  او کمپیوتر دزده کړو په برخو کې د یو کال لپاره خپلو همکاریو ته دوام ورکوی .

 د ملی نګارستان آمرې او هنرستان رئیس دکارکوونکو دظرفیتونو دلوړولو ، حرفوی زده‎کړو او دغه راز دمناسبتی  نندارتونونو او جشنونو د جوړولو په لاره کې د غیر دولتی  بنسټونوهمکاری  د دغو ادارو په بډاینه کې ارزښتناکه وبلله .