روزنامه ملی انیس

امام علی رحمان: امنیت افغانستان امنیت تاجکستان است

داکتر عبدالله عبدالله رئیس اجرائیه جمهوری اسلامی افغانستان روزپنجشنبه در حاشیه‌ اجلاس سران حکومت‌های سازمان همکاری شانگهای با امام علی رحمان رئیس جمهور تاجکستان در قصر ملت دیدار کردبه اساس معلومات دفترمطبوعاتی ریاست اجرائیه به آژانس باختر: رئیس جمهور تاجکستان در این دیدار تشریف آوری رئیس اجرائیه را به تاجکستان برای اشتراک در هفدهمین اجلاس سران حکومت‌های سازمان همکاری شانگهای خوش آمدید و خیر مقدم گفت.رئیس جمهور تاجکستان در ادامه صحبت‌های خود علاوه کرد که کشورش به روابط با افغانستان به عنوان دوست و همسایه اهمیت فراوان قایل است.امام علی رحمان در ادامه افزود که کشورش وضعیت در افغانستان را دنبال می‌کند و امنیت و آرامی در تاجیکستان و منطقه را در گرو امنیت و آرامی در افغانستان می‌داند.رئیس اجرائیه با تشکر از استقبال گرم امام علی رحمان، تاجکستان را از دوستان و متحدان استراتیژیک و نزدیک افغانستان خواند و از میزبانی نشست سران حکومت‌های شانگهای توسط تاجکستان قدردانی کرد.

در این نشست دوطرف در باره امنیت، مبارزه مشترک با دهشت‌افگنی، قاچاق موادمخدر، همکاری و همگرایی منطقه‌ یی، روابط منطقه ‌یی افغانستان، افزایش دادوستد بازرگانی و جلب همکاری کشورهای منطقه برای تأمین صلح به رهبری و مالکیت مردم افغانستان به بحث و تبادل نظر پرداختند.

ممکن است شما دوست داشته باشید